A AD Culleredo está a vivir unha semana histórica, coa estrea do seu equipo feminino que comezou este xoves os adestramentos de fútbol. Polo de agora, oito mozas conforman este plantel, polo que o conxunto segue a buscar a xogadoras maiores de 14 anos.
O club anima ás deportistas que queiran unirse á aventura a anotarse no teléfono 608 60 46 69, ou no correo electrónico asociaciondeportivaculleredo@gmail.com. Tamén é posible a través das súas redes sociais.
O Concello sinala como un “fito” a creación deste plantel feminino para o deporte cullerdense, e declaran que “esperemos que sexa unha porta aberta a que moitas outras mozas se animen, ben sexa no fútbol ou en outras disciplinas”.
Madriñas de elite
Como apoio a este proxecto, futbolistas do talle de Athenea del Castillo ou Miriam Ríos sumáronse a apoiar ao novo equipo, amadriñando a iniciativa.
