Despois de perder a súa racha de vitorias na última xornada, a AD Cortegada ve perigar de novo a súa permanencia na Liga Feminina 2. Ademais, esta fin de semana teñen dobre compromiso vasco, con dous encontros nos que poden desmarcarse do grupo de descenso en caso de vencer.
O primeiro deles, este sábado 6, ás 16:00 horas, será ante o Barakaldo, adiantando a 24ª xornada para aproveitar o desprazamento a terras vascas. Enmarcada xa na 23ª xornada, a axendada nesta fin de semana, as galegas visitan a un rival forte, o Azkoitia Azpeitia, o domingo, 7 de marzo, ás 11:00 horas.
O Cortegada fai 600 quilómetros para disputar 4 puntos
Dous retos difíciles, pero que poden supoñer un paso xigantésco na loita por non descender para a AD Cortegada. Os máis de 600 quilómetros de percorrido poden pagar a pena se as de Nogueira transforman unha intensa fin de semana en alegrías.
Para o primeiro reto, as de Vilagarcía xogarán contra un Barakaldo asentado na zona media da táboa. Con 10 vitoria e 12 derrotas, as vascas son oitavas con 33 puntos. Nas súas filas destaca Uchendu, a máxima anotadora do conxunto cunha media de 13,9 puntos por partido.
Menos de 24 horas despois, o Cortegada visita ao Azpeitia, un rival que aínda ten pendente clasificarse para a fase de ascenso. Actualmente son quintas con 37 puntos, empatadas co Miralvalle, un punto por debaixo do Celta Zorka Recalvi, e a dous do Ardoi. O todopoderoso líder, o BAXI Ferrol, quédalles a sete puntos.
Independentemente do nivel destes dous rivais, as galegas teñen cinco oportunidades de asinar a permanencia. Todo indica que no Grupo A só descenderá o colista, o Magec Tías, e as de Vilagarcía están a un punto delas, pero tres postos por riba. Ademais, o encontro contra as canarias aínda está por disputar. Será o día 20, no marco da 25ª xornada.
María Centeno será baixa
Para a aventura vasca, Nogueira non poderá contar con María Centeno, a súa catro titular, que mancouse do nocello do que xa sufriu unha lesión nun adestramento entre semana.
Quenes si estarán Sara Gómez, a segunda máxima anotadora no último partido e a primeira nas media do seu equipo, que suma xa 265 puntos ás súas costas.
