Unha nova derrota da AD Cortegada deixa ás galegas na duodécima posición da Liga Feminina 2. Tras un primeiro tempo igualado, o GDKO IBAIZABAL comezou a mandar no partido e non soltou o ritmo.
Os primeiros minutos comezaron moi igualados, para o que despois sería unha vitoria clara e contundente do equipo local. Tras un primeiro parcial 16-13, as galegas perderon fol e perderon contundentemente o segundo cuarto cun 25-15.
O descanso non foi suficiente para as galegas que viron como a distancia aumentaba no marcador no terceiro tempo, cun 21-11 en contra. Finalmente, o GDKO sentenciou por completo un partido que xa non se podía remontar, cun forte 21-9 no último cuarto.
Juana María Molina foi a xogadora máis destacada do encontro, con 27 puntos de valoración grazas aos seus dez puntos anotados, sete rebotes e unha asistencia.
Este xoves, as da AD Cortegada teñen unha nova oportunidade de sumar os dous puntos fronte ao colista. Ás 20:30 horas do 19 de novembro recuperarase a xornada 5 contra o Ulla Oil Rosalía, posposto polas humidades no pavillón local.
FICHA TÉCNICA
58) GDKO IBAIZABAL: Ane Arrien (3), Juana Molina (10), Helmi Tuonen (19), María Koskimies (7), Rebeca Cotano (20) – quinteto inicial -. Tamén xogaron: Nerea Carrasco (-), Michele Ferris (9), Laura Marcos (-), Paule Portilla (-), Ana Iruskieta (-), Maiane Aizpurua (6).
63) AD CORTEGADA: Patricia Vicente (11), Cristina Loureiro (5), Sara Gómez (5), Teodora Saric (9), Tereza Sedlakova (10) – quinteto inicial -. Tamén xogaron: Zeltia Presas (-), Lorena Castro (2), Miriam García (6) e María González (-).
PARCIAIS: 16-13, 25-15, 21-11 e 21-9.
ÁRBITROS: José Ignacio Martínez e Alexis Fuentes.
INCIDENCIAS: Partido correspondente á sétima xornada da Liga Feminina 2 disputado no polideportivo Urreta – Galdakao (Vizcaia)
