O Campionato de España máster de campo a través celébrase mañá, domingo 14 de marzo, no concello cordobés de Almodóvar do Río, nesta competición de atletismo tomará parte un total de 25 atletas galegas e galegos.
Por delegación da RFEA, a Federación Andaluza de Atletismo en colaboración co concello de Almodóvar del Río (Córdoba) organizan este XLVI Campeonato de España de Campo a Través Individual e de Clubs para atletas Master (XLI no caso feminino) e el V Campeonato de España de Cross por Relevos no Circuito El Pinillo en Almodóvar del Río, na provincia andaluza de Córdoba.
Entre as inscritas atópase a santiaguesa Esther Pedrosa que entre os seus múltiples títulos tanto a nivel nacional como internacional, destaca o de subcampioa mundial máster de campo a través na edición de Torun do ano 2019. Julia Vaquero do Trega, será outra das atletas galegas que tomen parte nesta cita nacional.
O resto de inscritas e inscritos da nosa comunidade, segundo informa a Federación Galega de Atletimo son os seguintes:
PARTICIPACIÓN GALEGA FEMININA
- F40. Elena Ledo do ADAS Proinor.
- F45. Raquel Armesto, Inés Papín e Noelia Papín do C.A. Sada.
- F50: Julia Vaquero do Trega.
- F55: Tirsa Chaves do C.A. Sada e Esther Pedrosa do Playas de Castellón.
- F60: Ether Martínez e Elva Fernández do C.A. Sada.
PARTICIPACIÓN GALEGA MASCULINA
- M35. Amador Pena, Damian Espasandín e José Sanda do Compostela Atletismo; Pablo Prada do ADAS Proinor; Antonio Teijido do Bathco R.T. e Juan Antonio Bogo do Atletismo Narón
- M40. Rubén Diz e Javier Paredes do Ourense Atletismo
- M45. Pedro Pazos, Jordi Carrasco e Jesús Cabo do S.D Compostela Atletismo; Armando Fontán, Manuel Enrique Estévez, José Manuel García e Ricardo Vázquez do ADAS Proinor
- M60: José Benito Gómez do Ourense Atletismo.
DATOS DE INTERÉS
