- Das 14 futbolistas que Cláudia Pons citou para xogar coa Selección Española, oito xogan en clubs galegos e catro son galegas dando conta unha vez máis do gran nivel do futsalfem en Galicia.
Cláudia Pons, seleccionadora do combinado estatal absoluto feminino de fútbol sala, fixo pública a súa convocatoria para dous amigables que a Selección Española de futsalfem disputará frente a Argentina na Ciudad del Fútbol de Las Rozas os días 14 e 15 de febreiro. Estas dúas citas deportivas van ser as últimas probas antes da concentración de España para xogar o Europeo que se vai disputar en Debrecen (Hungría) do 17 ao 19 de marzo.
Tal e como apunta a RFGF as galegas citadas son: Ale de Paz (Ence Marín Futsal), Antía Pérez (Pescados Rubén Burela), Martita e Luci (Poio Pescamar) e Vane Sotelo (Futsi Atlético Navalcarnero). Súmanselles as deportistas que equipos galegos: Sandra Buzón (Poio Pescamar), Irene Samper, Dany e Peque (Burela FS)
Segundo informa a RFEF, as xogadoras da Selección Española absoluta feminina de fútbol sala vanse concentrar o domingo 12 de febreiro. Farán tres sesións de adestramento antes de xogar os dous encontros diante das arxentinas. Esos partidos amigables vanse disputar o martes 14 ás 20.30 horas e o mércores 15 ás 19.00 horas.
Esta é a lista de 14 futbolistas convocadas para a Selección Española por Clàudia Pons:
| Cristina María García Cordobés CRIS | STV Roldán |
| Sandra Buzón Camus SANDRA | Poio Pescamar |
| María Teresa Mateo González MAYTE | STV Roldán |
| Alejandra de Paz González ALE DE PAZ | Ence Marín Futsal |
| Laura Córdoba Monedero LAURA | Atlético Navalcarnero |
| Irene Samper Bilbao IRENE SAMPER | Pescados Rubén Burela |
| Patricia González Mota PEQUE | Pescados Rubén Burela |
| Lucía Gómez González LUCI | Poio Pescamar |
| María Ángeles Pino Cabrera MELLI | LBTL Futsal Alcantarilla |
| Marta López-Pardo González-Tejero MARTITA | Poio Pescamar |
| Antía Pérez García ANTÍA | Pescados Rubén Burela |
| Vanessa Sotelo Quintela VANESSA SOTELO | Atlético Navalcarnero |
| Irene Córdoba Monedero IRENE CÓRDOBA | Atlético Navalcarnero |
| Daniela Domingos Lopes DANY | Pescados Rubén burela |
