Test de velocidade para as 8 galegas árbitras e árbitras asistentes das dúas máximas categorías de fútbol feminino

Galicia conta con oito mulleres que exercen como árbitras ou árbitras asistentes galegas das dúas máximas categorías estatais de fútbol feminino: Primera División (seis) e Primera Federación (dúas). Todas elas realizaron esta pasada fin de semana as probas físicas previas ao comezo das competicións.

Os tests, organizados polo Comité Técnico de Árbitros da Real Federación Española de Fútbol, celebráronse na Cidade do Fútbol de Las Rozas, segundo informa a RFGF.

A colexiada galega Eugenia Gil Soriano, que afronta su quinta tempada en Primera División Femenina, relata neste vídeo en que consiste a proba de velocidade (hai que lembrar que ela compite como velocista en probas de atletismo coa Sociedad Gimnástica de Pontevedra) e as ganas que teñen de que empece a competición: “A proba consiste en seis series de 40 metros cun minuto de recuperación en menos de seis segundos. Estamos con moitas ganas de empezar”, destaca a árbitra galega.

Ver esta publicación en Instagram

Una publicación compartida de RFEF (@rfef)

As árbitras de Primera División pasaron as probas de velocidade con 6 series de 40 metros en menos de 6 segundos e posteriormente a de resistencia chamada SDS, con 3 bloques de 5 repeticións de 54 metros, tal e como explicaba Eugenia Gil Soriano.

Pola súa banda, as árbitras de Primera Federación tiñan que realizar na velocidade 6 series de 40 metros en menos de 6,20 segundos e posteriormente a de resistencia SDS, con 3 bloques de 5 repeticións de 51 metros.

Ademais, as árbitras asistentes de Primera División realizaron a proba de velocidade, 5 series de 30 metros en menos de 4,9 segundos, a de resistencia chamada ARIET e o CODA en menos de 10,20 segundos.

ÁRBITRAS

Primeira División

Primeira Federación

ÁRBITRAS ASISTENTES

Primeira División

A galega Yolanda Parga é, ademais, a responsable da arbitraxe feminina estatal.

Antes dos test físicos, as árbitras de Primera División concentráronse en Madrid con motivo do seminario de inicio de tempada. O obxectivo era ultimar a preparación física e técnica antes do inicio da competición estatal. Para iso, todas as colexiadas, entre as que estaban as galegas, deberán superar os controis físicos, médicos e tests de regras de xogo que preparou o Comité Técnico de Árbitros da Real federación Española de Fútbol.

O seminario comezou coa merecida homenaxe ás dúas árbitras españolas, Marta Huerta de Aza e Guadalupe Porras Ayuso, que representaron a España no pasado Mundial de Australia e Nova Zelandia. “Estou súperagradecida de todo o apoio e de estar alí. Deséxovos que que teñades a oportunidade de estar nun Mundial porque é algo máxico”, resaltaba a colexiada canaria.

A gran novidade da concentración é Andrea Fírvida, colexiada aragonesa que logrou o ascenso á máxima categoría tras a pasada tempada. “Recibíronme coma se fose unha máis, coma se coñecésenme de toda a vida. Estou con moitas ganas de empezar”, destaca Andrea.

Por contra, o persoal de árbitras principais conta coa ausencia de María Dolores Martínez Madrona que presentou a súa baixa de forma voluntaria despois de sete anos en Primeira División e representando á arbitraxe española a nivel internacional desde 1997. A colexiada murciana ha escrito unha carta de despedida ás súas compañeiras e ao mundo do fútbol que provocou un gran aplauso de todo o auditorio.