As futbolistas do Burela FS conseguían o sétimo título de campioas da Copa da Raíña para o club da Mariña ao vencer 2-3 ao Melilla Ciudad do Deporte Torreblanca, adestrado polo técnico galego Morenín.
Xogo moi parello dende o primeiro minuto de partido ata o final. Un disparo desviado de Dinha no minuto tres será o primeiro tiro a porta do encontro e segundos despois terá outra ocasión o Melilla Ciudad do Deporte Torreblanca nunha falta perigosa por man de Cami.
As galegas sufriron coa presión alta do Melilla Ciudad do Deporte Torreblanca que non permitía ao Burela avanzar. Salvaa sobre a liña Caridad tras un saque de banda no que o balón toca en Antía Pérez na súa traxectoria cara a portería, desviando o balón cara a dentro, pero a porteira gaditana logra atrapala e volve intervir no minuto 6 negando o primeiro tanto do partido a Bía Souza.
Levántase o Burela FS e aumenta a presión conseguindo manterse na área rival e mantendo á marxe a súa durante os próximos minutos. Remate de Antía Pérez cun disparo cruzado que se vai pasando o segundo pau no minuto 12. Despexa Caridad no 13 nun cara a cara con Silvina e segundos despois case anota o primeiro Dinha tras unha boa transición pola banda un disparo cruzado que desvía Bía Souza a córner.
Continúa o xogo parello, con moito xogo de balón e dificultades para chegar a portería por parte de ambos equipos. Boa saída de Bía que frustra un contraataque de Antía Pérez pola banda. Tras un tempo morto para o Burela nos últimos segundos, atrápaa en dous tempos Caridad, nunha boa chegada a portería de Ana Luiza. Chega o descanso 0-0 no marcador tras unha primeira parte igualadísima, con moito ritmo aínda que sen goles.
Primeira parte sen goles na Copa da Raíña
Saen os dous equipos con forza deste descanso e tras dúas pequenas ocasións tena Emilly no minuto 22, que dispara un trallazo incrible a porta pero Bía Souza despexa a córner. Váiselle a Jane desviado tras un bo contraataque e chega o 0-1 para o Burela, cun gol de Antía Pérez nun erro de entendemento entre Bía Souza e Jane que regala o balón á xogadora ourensá e métea desde a área sen porteira.
Pero no 28 Silvina empata o encontro un minuto despois aproveitando a situación de inferioridade do Burela, con 3 xogadoras, tras a expulsión de Emilly por dobre amarela. Ponse máis emocionante aínda o encontro, no minuto 30 dobre ocasión, unha de cada equipo, cun bo contraataque de Dany Domingos que dispara e saca co pé Bía Souza e posteriormente Amandinha no contragolpe que non logra superar a Caridad cun balón picado. No minuto 32 o Burela logra adiantar o marcador cun tanto de Patricia tras un jugadón de Antía Pérez que a rouba e combina con Noelia Montoro e a yeclana que finaliza.
E o terceiro un minuto despois, un gol de Carolina Pedreira tras un disparo desde fóra da área que toca na Ana Luiza desviando a traxectoria do balón e entrando na portería. Comeza a presionar o conxunto que prepara o técnico galego Moreníncon xogo de cinco, con Juliana de porteira-xogadora no minuto 35 e no 37 quinta falta do conxunto adestrado por Julio Delgado. Varias ocasións consecutivas das melillenses que non logran superar á defensa burelense.
Sae Jane coa elástica branca nestes minutos de presión con porteira-xogadora. Dous disparos afastados do Burela FS que non atopan a portería baleira do Melilla e continúa buscando o Melilla Ciudad do Deporte Torreblanca o tanto, que chega a 10 segundos do final cun gol de Bía Souza cun disparo cruzado que entra xunto ao pau nunha presión con porteira-xogadora.
Dez longos segundos finais remataron con 2-3 e a sétima Copa da Raíña para o equipo feminino do Burela FS . A futbolista galega Antía Pérez foi elixida a mellor xogadora da final.
FICHA TÉCNICA
2) MELILLA CIUDAD DEL DEPORTE TORREBLANCA: Bía; Ana Luiza, Anandinha, Silvina e Jane – cinco inicial -, Bía Souza, Juliana, Lydia, Nega e Jheniff
3) BURELA FS: Caridad; Dany, Dinha, Cami e Emilly – cinco inicial -, Antía Pérez, Noelia Montoro, Patricia, Débora, Cilene e Carolina Pedreira.
GOLES: 0-1, min. 31: Antía Pérez. 1-1, min. 28: Silvina. 1-2, min. 32: Patricia. 1-3, min. 33: Carolina Pedreira. 2-3, min.40: Bía Souza.
EQUIPO ARBITRAL: Noelia Gutierrez Muñoz, Marta Garvalena Crespo, Paula Álvarez Nogueiro, Tiare Valencia Olivares, Gustavo Leal Pérez. Tarxetas amarelas: Por parte del Melilla, Jane, Bía e Amandinha. Por parte do Burela, Emilly (AA). Tarxeta vermella: Emilly (AA).
ROLDAS DE PRENSA COPA DA RAÍÑA:
