A Federación Galega de Loita estrearase no Campionato de España de Loita Praia e Sambo Praia, con seis loitadoras para o debut en San Javier (Murcia).
Esta será a primeira vez na historia da Fegaloita na que as deportistas compitan nun estatal de loita pratia e sambo praia. Despois dunha tempada complicada pola crise da COVID-19, as Loitas Olímpicas apostaron por actividades seguras para as participantes, cun lema do que se fai eco a Federación: “máis actividades, máis deportistas, máis seguridade, máis deporte”.
O protocolo nacional de Loitas Olímpicas, facilita a participación dos deportistas en eventos, onde os test de antíxenos antes e despois das actividades son obrigatorios. O entramado sanitario, criba a todos os participantes, creando un entorno seguro para a práctica deportiva.
Nesta fin de semana, concretamente o domingo 30 de maio, participarán algunhas loitadoras que tamén o farán no Campionato de España de Loitas Olímpicas, como Lydia Pérez ou Nerea Pampín.
A Selección Galega acude ao Campionato de España Sénior de Loitas Olímpicas
A lista de convocadas
Este é o equipo galego ao completo:
- Alina Gradinaru, do Ayude
- Noelia Lalín, do Keltoi
- Lydia Pérez, do Pontevedra
- Nerea Pampín, do Keltoi
- Vanessa Muíños, do San Ignacio (quen participará na modalidade de loita praia e sambo praia)
- Mahewa Neira, do Senín
