A calidade do Atlético Guardés fai que o club conte con varias xogadoras, e técnicos, internacionais nas súas filas. Esto, como apuntabamos, da conta do enorme nivel das galegas, pero tamén supón que, cada certo tempo, a entidade da Guarda ten que prescindir do seu concurso por contar con compromisos cos combinados estatais aos que pertencen.
Este é un deses momentos do ano no que o Atlético Guardés está pendente das súas internacionais xa que as diferentes seleccións teñen compromisos moi importantes ao coincidir ano olímpico e ano de Mundial.
A plantilla do Atlético Guardés non poderá adestrar ao completo até o día 23, cando terán que retomar a preparación de moitos retos ilusionantes como son o grupo polo título da Liga Guerreras Iberdrola, o partido de volta da Copa da Raíña 2021 e as semifinais da EHF European Cup.
O primeiro que non pode estar co equipo é xustamente o seu adestrador. O técnico José Ignacio Prades está concentrado desde o pasado xoves co equipo Objetivo 2021. Unha actividade que finaliza hoxe, polo que o adestrador estará de volta axiña. O conxunto estatal acabará de preparar o Preolímpico que acolle Llíria (VLC) o 19, 20 e 21 de marzo. Tamén no Objetivo 2021 está Paula Arcos.
🇪🇸 Las #GuerrerasObjetivo2021 continúan ejercitándose en @aytolliria, sede del #PreolímpicoLlíria2021
#️⃣ #SheLovesHandball pic.twitter.com/ErO2gF1dgZ
— RFEBalonmano (@RFEBalonmano) March 14, 2021
No caso de Marisol Carratú, a gardameta concentrarse en Valencia con La Garra para participar no Preolímpico.
A central Erika Rajnohová xa está en Bratislava onde o combinado eslovaco ao que pertence viaxará cara a Luxemburgo. Alí van preparar a primeira fase do torneo clasificatorio para o Campionato do Mundo que terá lugar a finais de ano e que se organiza en España.
Por último, as lusas Sandra Santiago e Patrícia Lima, estarán até o día 19 cunha actividade coa Selección de Portugal no Centro de Estágio de Rio Maior.
