Seis galegas competiron e trunfaron no XXVI Campionato de España de Natación Máster de inverno, celebrado en Castellón. As nadadoras, procedentes de catro clubs distintos, sumaron catro ouros, tres pratas e tres bronces.
Na clasificación por clubs na categoría feminina, os resultados galegos non foron tan salientables. Na 21ª posición, e como mellor equipo de Galicia, quedou o CN Liceo. Despois, hai que chegar ata a 40ª para atopar á AD Fogar. Baixando á 44ª está o CN Rías Baixas. Xa no 53º está o Club del Mar e no 64º o CN Galaico.
Así quedaron as galegas no Máster de natación
No relativo ás nadadoras que entraron no podio das probas nas que participaron, a máis salientable Laura Marcos, do CN Vigo Rías Baixas, quedando primeira en dúas ocasións: en 50 e 200 braza.
Tamén cun ouro colgado quedou María Terceiro, do Club del Mar, primeira en 400 libre e segunda en 100 libre.
Completa o trío de ouros Elisa Pichel, do AD Fogar, cunha primeira praza en 200 braza e unha terceira en 400 libre.
Os bos resultados para a natación galega seguiron da man de Sonia Braña, do CN Liceo, cun segundo posto en 400 libre e en 200 braza. Mentres que a súa compañeira, María José Regueira, foi terceira en 200 costas. Finalmente Cora Vinagre, do AD Fogar, igualou o reu resultado e quedou tamén terceira en 200 costas.
XXVI CTO. DE ESPAÑA “OPEN” DE INVIERNO NATACION MASTERS CASTELLÓN, Excelentes resultados de nuestro equipo en su debut nacional y duodécima posición en el ranking de clubes de la jornada… ⬛️🟨⬛️🟨😉… #liceomasterteam @Xunta @fdeportegal @igualdadenarede @coruna_deportes pic.twitter.com/8FkeGC4SyB
— Natacion Liceo (@NatacionLiceo) April 10, 2021
