Ata 26 persoas representarán á Federación Galega de Loitas de Disciplinas Asociadas (Fegaloita) no Campionato de España absoluto de Loitas Olímpicas. Delas, 18 son deportistas, seis des cales están competindo en categoría feminina, tres son árbitros e cinco técnicos. Nestas dúas últimas áreas non participará ningunha muller.
O torneo, no que Galicia aspira a rematar no podio nas tres modalidades de loitas olímpicas, celebrarase o próximo sábado, 28 de novembro, nas instalacións do CTD Infanta Cristina de San Javier (Murcia).
Entre as persoas convocadas, atópanse seis deportistas de tres clubes distintos. O que aporta unha maior representación de loitadoras é o San Ignacio, polo que competirán Uxía Garra en 57 quilos, Cristina Rodríguez en 65 e Elisabeth Rodríguez en 50. Pola súa banda, Sabela Chan, do Club de Lugo, participará en 72 quilos e Nerea Pampín, do Keltoi, en 68. Ademais, Pampín ven de lograr un ouro na súa categoría no Torneo Internacional de Jóvenes Promesas. A listaxe completa de participantes por parte galega poden consultarse nesta ligazón.
Si quieres ver la mejor lucha Olímpica desde la Región de Murcia Costa Cálida te dejamos el enlace de YouTube FELODA desde el que podrás seguir mañana la Campeonato Nacional Senior a partir de las 09.00 h.
¡Os esperamos!
👀👇https://t.co/JPkE6OWAFB@scorizer #yovuelvoaltapiz pic.twitter.com/cr9c0uptR3— Federación Lucha RM (@luchamurcia) November 27, 2020
Esta competición, seguirá o patrón das anteriores, tendo unhas elevadas medidas de seguridade para todos os participantes. Para poder asistir, é obrigatorio partir de Galicia, cun test negativo en COVID-19.
Unha vez a expedición galega chegue a San Javier (Murcia), antes da acreditación, debe pasar outra vez un test de antíxenos con resutlado negativo para poder ser acreditados e entrar na burbulla da competición. Os test son para todos os participantes: deportistas, árbitros, técnicos e delegados.
As medidas de seguridade son moi elevadas, e os gastos de participación están acorde ás medidas de seguridade establecidas. Galicia e as Loitas Olímpicas a nivel nacional avogan por unha competición moi restrinxida e segura.
Desde a organización declaran que “facer eventos en esta época, post confinamento, é como un oasis no medio do deserto. Un longo camiño, que percorremos con pasos pequenos e moi seguros”.
