Ata oito padexeiras galegas desprazáronse á localidade polaca de Poznan para competir no Europeo sub23 de piragüismo, e a meirande parte delas conseguiu o pase á final nas súas probas. Claudia Coto competirá no C1 500 xuvenil, Antía Otero e Valeria Oliveira o farán no C2 500 xuvenil, Lara Feijoo e Carolina García competirán no K4 500 e Irene Lata o fará no K1 1.000.
Entre as oito galegas hai representantes de varios equipos de piragüismo sendo a Escuela de Piragüismo Ciudad de Pontevedra a que ten maior representación, con tres competidoras, seguida polo CP Piragüismo Poio-Conservas Pescamar, con outras dúas, e o Ría de Betanzos, e Cofradía de Pescadores Portonovo, así como o Kayak Tudense, cunha cada un.
O piragüismo galego nas finais do Europeo sub23
Claudia Couto, padexeira do E.P. Ciudad de Pontevedra venceu a súa carreira do C1 500 metros xuvenil, obtendo desta maneira o pase directo á final que terá lugar o vindeiro domingo ás 9:45 horas.
Tamén disputarán a loita polo título continental a parella formada por Antía Otero, do E.P. Ciudad de Pontevedra e Valeria Oliveira do Piragüismo Poio. As galegas clasificáronse en segunda posición no C2 500 xuvenil, pasando así á final de medallas que se disputará o domingo ás 13:00 horas. A nivel individual, Antía Otero clasificouse como primeira canoista na primeira serie do C1 200 disputado este venres.
Lara Feijoo, do Kayak Tudense, e Carolina García, do E.P. Ciudad de Pontevedra, competían en K4 500 metros coa valenciana Bárbara Pardo e a vasca Nerea García. O cuarteto español alcanzou a terceira posición e competirá na final do domingo ás 9:20 horas. No K1 200, Feijoo rematou terceira na primeira serie.
A última galega en obter o seu pase á final foi Irene Lata, do Ría de Betanzos, quen quedou segunda na primeira semifinal do K1 1.000 do sub23, só por detrás da danesa Ana Hansen.
Pola súa parte non pasaron aínda á final, Carla Sieiro, del Piragüismo Poio, quen ocupou a sexta posición no C1 500 Sub 23, nin Sara Durán, do Cofradía de Pescadores Portonovo, que competía coa vasca Maialen Arsuaga en K2 500 metros rematando na quinta praza da táboa clasificatoria da semifinal.
Consulta todos os resultados do Europeo xuvenil e sub23 nesta ligazón.
