A seleccionadora nacional de futsal, Clàudia Pons, fixo xa oficial a lista das 15 xogadoras que se incorporarán á disciplina da Selección Española. Na convocatoria atópanse tres galegas, Silvia Aguete, Ale de Paz e Luci Gómez, ás que se suman en representación do futsal galego Peque, Dany e Caridad.
As actuais campioas de Europa emprenden o camiño para revalidar o título. Un percorrido que ten a súa primeira parada na localidade sueca de Halmstad. Ata alí téñense que desprazar as xogadoras internacionais para disputar a fase de clasificación do próximo Europeo.
A Selección de futsal, exenta na fase anterior, ten que enfrontarse agora a Eslovaquia, Italia e Suecia. UEFA xa fixou a orde dos partidos e quedaron programados da seguinte maneira: o mércores 20 de outubro españolas e eslovacas cruzaranse na pista, a partir das 15:00 horas; ao día seguinte e co mesmo horario, as xogadoras convocadas por Clàudia Pons terán que xogar contra Italia; e xa o sábado 23 chegará o momento de enfrontarse ás anfitrioas desta fase previa. O encontro Suecia-España arrincará ás 17:00 horas.
Este próximo domingo 10 de outubro as 15 xogadoras citadas deberán presentarse ao mediodía no Hotel Pax Torrelodones. O combinado nacional de futsal exercitarase no Pavillón da Cidade do Fútbol de Las Rozas antes de partir rumbo a Suecia, o día 18. A concentración finalizará o domingo 24, tras regresar do país escandinavo.
A convocatoria de Pons
Porteiras |
---|
Silvia Aguete Outón, SILVIA | Ence Marín Futsal |
Caridad García Díaz, CARIDAD | Poio Pescamar F.S. |
Marta Balbuena Navas, MARTA | C.D. Futsi Atlético Navalcarnero |
Peches |
---|
Noelia Montoro Susarte, NOELIA | S.T.V. Roldán F.S.F. |
Isabel García Carrión, ISA GARCÍA | C.D. Leganés F.S.F. |
Laura Córdoba Monedero, LAURA | C.D. Futsi Atlético Navalcarnero |
Alas |
---|
Ana Sevilla Luján, ANA LUJÁN | C.D. Futsi Atlético Navalcarnero |
Lucía Gómez González, LUCI | Poio Pescamar F.S. |
Alejandra de Paz González, ALE DE PAZ | Pescados Rubén Burela F.S. |
Patricia González Mota, ‘PEQUE‘ | Pescados Rubén Burela F.S. |
Mª Ángeles Pino Cabrera, ‘MELLI‘ | C.D. Universidad de Alicante |
Ala-pivotes |
---|
Consuelo Campoy Ruiz, CONSU | S.T.V. Roldán F.S.F. |
Amelia Romero De la Flor, AMELIA | C.D. Futsi Atlético Navalcarnero |
Pivotes |
---|
Irene Córdoba Monedero, IRENE | C.D. Futsi Atlético Navalcarnero |
Daniela Domingos Lopes, DANY | Pescados Rubén Burela F.S. |