- Á renovación xa anunciada polo CV Arenal Emevé de Carolina Camino, súmase a continuidade de Ainara Burgo e Lida Figueira Candela López, Uxía García e a recentemente incorporada da CAEP Soria, Alejandra Pérez, formarán parte do primeiro equipo a tempada que vén.
- O seu adestrador Manuel Blanco afirma que “a ideoloxía deste club é formar xogadoras con proxección, como é o caso de todas elas, que deron o salto ao noso equipo de Superliga. Estamos moi contentos de que o fagan subindo desde a base”.
A filosofía de promoción das categorías inferiores do CV Arenal Emevé segue dando os seus froitos. O mellor exemplo é que ata seis das integrantes do equipo que logrou o bronce esta fin de semana, no Campionato de España Júnior, disputarán a liga Iberdrola co primeiro equipo a próxima campaña.
A primeira renovación confirmada foi a de Carolina Camino, que defenderá as cores do conxunto lucense por terceiro curso consecutivo. Xunto á “Perla da Ribeira Sacra” tamén estenderán a súa vinculación contractual co club dous das súas compañeiras no equipo de Superliga este ano: Lida Figueira e Ainara Burgo.
⚔️
LIDA FIGUEIRA @lidiaafigueira
“A #loitadora dá Barbanza”, líbero das Junior de Bronce, renova o seu compromiso e a súa aposta polo @arenalperfumes Emevé.
1⃣° vértebra da nosa columna ✅
❤ pic.twitter.com/JKBtB1AWUU— Arenal Emevé (@cvemevelugo) May 23, 2022
A líbero de Boiro vén de confirmarse como unha das grandes revelacións do campionato na súa primeira tempada con ficha profesional, o que lle valeu a convocatoria para a lista de preparación da Selección Española Absoluta para a participación na European Golden League.
Pola súa banda, Burgo experimentou un enorme crecemento como colocadora á beira de Yael Castiglione nun curso no que tamén exerceu como segunda capitá do equipo. Ainara, xunto ao resto de Loitadoras, protagonizou unha campaña histórica para o CV Arenal Emevé co subcampeonato de Copa da Raíña como maior fito.
⚔️
AINARA BURGO @ainaraaa14
A colocadora que dirixiu con extraordinario acerto ás Junior de Bronce faranos gozar outra tempada máis con grandes minutos aos mandos do @arenalperfumerias Emevé.
3⃣° vértebra da nosa columna ✅
❤ pic.twitter.com/4BSyNID0tG— Arenal Emevé (@cvemevelugo) May 23, 2022
Desde a Concentración Permanente da Selección Española en Soria sumáronse ao equipo Xuvenil primeiro, e ao Júnior despois, Candela López e Alejandra Pérez.
⚔️
CANDELA LÓPEZ
De Soria ao ceo, debeu de pensar a nosa Central das Junior de Bronce ao confirmar que a proxima tempada xogará co primeiro plantel do @arenalperfumes Emevé na Superliga Feminina.
2⃣° vértebra da nosa columna ✅
❤ pic.twitter.com/wn9FLPjy0a— Arenal Emevé (@cvemevelugo) May 23, 2022
⚔️
ALEJANDRA PÉREZ @aleeplzz
Outra Junior de Bronce que se une ao primeiro equipo. Unha aposta segura de presente e futuro que chega para reforzar ao sector máis “novo” do @arenalperfumes Emevé na Superliga.
4⃣° vértebra da nosa columna ✅
❤ pic.twitter.com/Eq5lNfXqYI— Arenal Emevé (@cvemevelugo) May 24, 2022
Dobre medalla de bronce (Campionato de España Xuvenil e Campionato de España Júnior) para dous das xogadoras máis prometedoras do vóley nacional que estarán ás ordes de Manuel Blanco para disputar a liga Iberdrola.
CAMPIONATO DE ESPAÑA JUNIOR
Medalla de Bronce para as #loitadoras Junior nun Campionato dun extraordinario nivel, e que demostra o inmenso compromiso e esforzo deste grupo humano.
Parabéns Campioas!!!!
❤ pic.twitter.com/iUGUctx3z7— Arenal Emevé (@cvemevelugo) May 21, 2022
A central lucense regresa a casa despois de tres anos dentro do plan de formación da Real Federación Española de Voleibol, no que compartiu equipo coa receptora leonesa durante os dous últimos cursos. Candela López ingresou na canteira do CV Arenal Emevé en idade alevín e permaneceu nos equipos de formación do club lucense ao longo de catro anos antes de formar parte da Concentración Permanente. A Soria chegou Alejandra Pérez despois de comezar a súa traxectoria no mundo do Vóley en el Cuestra Piedra de Tenerife, co que chegou a debutar en Superliga 2.
E o sexto elemento da ecuación será Uxía García. A carreira da central lucense desenvolveuse de forma paralela á da súa amiga e compañeira de equipo, Candela López. Como ela, tamén deu os seus primeiros pasos no alevín do CV Arenal Emeve e pertenceu aos equipos de formación un total de sete tempadas.
⚔️
UXÍA GARCÍA
Central da nosa #policanteira e das Junior de Bronce salta por primeira vez ao 1° equipo.
Xogadora tan nova como prometedora, caracterízase pola súa garra, a súa entrega e a súa condición física.
5⃣° vértebra da nosa columna ✅
❤ pic.twitter.com/RE962n7oQV— Arenal Emevé (@cvemevelugo) May 24, 2022
Manuel Blanco, técnico do CV Arenal Emevé: “a ideoloxía deste club é formar xogadoras con proxección”
Todas elas estarán ás ordes de Manuel Blanco a próxima tempada. O técnico, que tamén as dirixiu na consecución do bronce no Campionato de España Júnior destaca que “a ideoloxía deste club é formar xogadoras con proxección, como é o caso de todas elas, que deron o salto ao noso equipo de Superliga. Estamos moi contentos de que o fagan subindo desde a base”.
O técnico venezolano, ao incorporar á columna vertebral das Júnior ao seu equipo, conta xa con nove integrantes do equipo de Liga Iberdrola confirmadas : Lucía Prol, Jimena Fernández Gayoso, Carolina Camino, Mame Diouf, Ainara Burgo, Lida Figueira, Candela López, Uxía García e Alejandra Pérez.
