A sexta irmandiña xa pode lucir na vitrina laranxa. O Pescados Rubén Burela FS demostrou unha vez máis o seu xene gañador impoñéndose na final da XIV Copa Galicia a un Ourense Envialia que pese a estar sufrindo moitas baixas esta tempada, amosouse como un digno rival da final galega (5-1).
As mariñás encamiñaron xa a reafirmación do título colleitado na cancha coruñesa de Riazor en 2019 nos primeiros segundos, estreando o luminoso en estratexia, nunha falta iniciada por Cami e culminada por Peque. Vane freou co pé a Dany antes de chegar á medianía do primeiro acto. Tamén avisou pouco despois o entendemento entre Peque e Cami.
Volveu rozar o segundo o conxunto que adestra o técnico Julio Delgado no minuto 13 de partido. Foi por medio dun pase de Ale de Paz a Leti que soubo cortar Jenny Lores.
Con moitos atrancos na finalización, as ourensás non conseguiron crear perigo na rede de Sandra, tan só nunha falta un pouco antes e sobre o 15 con Laura Uña.
No minuto 17, Bea Mateos deulle o segundo tanto ao Pescados Rubén Burela que estaba a facer méritos para tomar vantaxe no electrónico da Gándara (2-0). Bea Mateos anotaba en complicidade con Jane, e o balón que entrou pegando no poste.
Ale de Paz, en carreira, nun disparo cruzado rozou o terceiro na volta ao parqué, cun Ourense Envialia que tamén se amosou con máis protagonismo xerando ocasións.
Iria Saeta pon en aprietos a Jozi Oliveira
A cancereira laranxa Jozi tivo que aplicarse ata en tres ocasións frente a futbolista do conxunto ourensá Iria Saeta. Chegados ao minuto 25 do encontro, unha man prodixiosa de Vane Barberá evitou que as Guerreiras Laranxas ampliasen a fenda fronte a Leti Cortés nun disparo que tocou en Jenny Lores.
Peque quixo sorprender por arriba superado o 30 de xogo. Tamén tivo unha de ouro Luísa Mayara fronte ao esforzo das deportistas don conxunto da cidade das Burgas que adestra Morenín. Foi precisamente a capitá laranxa a encargada de selar o 3-0 sorteando a Vane Barberá ao bordo da área no minuto 35.
Quixo responder cunha opción máis ofensiva o equipo do Ourense Envialia elixindo evolucionar sobre a pista cun xogo de cinco, pero sen éxito. As Guerreiras Laranxas do Burela distanciáronse ata o 5-0 en tan só dous minutos, con Dany aproveitando un saque de banda de Iria Saeta e despois con Leti a porta baleira.
O gol da honra para o Ourensen Envialia púxoo María a pouco menos de dous minutos para a bucina final. Así o título da Copa de Galicia, vaise rumbo á Mariña lucense e suma o sexto trofeo nesta competición para o Pescados Rubén Burela. Peque recibiu o galardón de Máxima Goleadora da cita e a ourensá Chiky, o de MVP.
1. Ourense Envialia e Pescados Rubén Burela no arranque da na Copa Galicia de Fútbol Sala Feminino coa bandeira galega presidindo a saída ao campo dos equipos / RFGF
Ourense Envialia e Pescados Rubén Burela no arranque da na Copa Galicia de Fútbol Sala Feminino coa bandeira galega presidindo a saída ao campo dos equipos / RFGF
2. Formación do Ourense Envialia na Copa Galicia de Fútbol Sala Feminino / RFGF
Formación do Ourense Envialia na Copa Galicia de Fútbol Sala Feminino / RFGF
3. Formación do Pescados Rubén Burela na Copa Galicia de Fútbol Sala Feminino / RFGF
Formación do Pescados Rubén Burela na Copa Galicia de Fútbol Sala Feminino / RFGF
4. Ourense Envialia e Pescados Rubén Burela na Copa Galicia de Fútbol Sala Feminino / RFGF
Ourense Envialia e Pescados Rubén Burela na Copa Galicia de Fútbol Sala Feminino / RFGF
5. Afección do Burela na final da Copa Galicia de Fútbol Sala Feminino / RFGF
Afección do Burela na final da Copa Galicia de Fútbol Sala Feminino / RFGF
6. Ourense Envialia e Pescados Rubén Burela na Copa Galicia de Fútbol Sala Feminino / RFGF
Ourense Envialia e Pescados Rubén Burela na Copa Galicia de Fútbol Sala Feminino / RFGF
7. Afección do Burela na final da Copa Galicia de Fútbol Sala Feminino / RFGF
Afección do Burela na final da Copa Galicia de Fútbol Sala Feminino / RFGF
8. Ourense Envialia e Pescados Rubén Burela na Copa Galicia de Fútbol Sala Feminino / RFGF
Ourense Envialia e Pescados Rubén Burela na Copa Galicia de Fútbol Sala Feminino / RFGF
9. O Ourense Envialia recibe o trofeo de subcampioas da Copa Galicia de Fútbol Sala Feminino / RFGF
O Ourense Envialia recibe o trofeo de subcampioas da Copa Galicia de Fútbol Sala Feminino / RFGF
10. O Pescados Rubén Burela consegue a súa 6ª Copa Galicia de Fútbol Sala Feminino / RFGF
O Pescados Rubén Burela consegue a súa 6ª Copa Galicia de Fútbol Sala Feminino / RFGF
11. Peque, do Pescados Rubén Burela, máxima goleadora da final da Copa Galicia de Fútbol Sala Feminino / RFGF
Peque, do Pescados Rubén Burela, máxima goleadora da final da Copa Galicia de Fútbol Sala Feminino / RFGF
12. Chiky, do Ourense Envialia, MVP da final da Copa Galicia de Fútbol Sala Feminino / RFGF
Chiky, do Ourense Envialia, MVP da final da Copa Galicia de Fútbol Sala Feminino / RFGF
13. O Pescados Rubén Burela festexa a súa 6ª Copa Galicia de Fútbol Sala Feminino / RFGF
O Pescados Rubén Burela festexa a súa 6ª Copa Galicia de Fútbol Sala Feminino / RFGF
Regreso á liga do Burela coa visita do STV Roldán FSF
O conxunto que adestra Julio Delgado retomará os seus compromisos ligueiros o vindeiro sábado, 22 de maio, coa visita de STV Roldán FSF a Vista Alegre na penúltima xornada da segunda fase (12.30 horas).
FICHA TÉCNICA
PESCADOS RUBÉN BURELA FS: Sandra Buzón, Dany, Cami e Ale de Paz – quinteto inicial -. Tamén xogaron: Lara Balseiro, Jane, M. Cortés, Bea Mateos, Luísa Mayara, Elena Aragón e Jozi Oliveira.
OURENSE ENVIALIA FSF: Vane, Chiky, Laura Uña, Iria Saeta e Jenny Lores – quinteto inicial -. Tamén xogaron: Judith, María, María Arias e Carmen.
GOLES: 1-0, minuto 1, Peque; 2-0, minuto 17, Bea Mateos; 3-0, minuto 35, Peque; 4-0, minuto 36, Dany; 5-0, minuto 37, M. Cortés; 5-1, minuto 39, María.
ÁRBITROS: Castro Nantes e Pérez Muñiz. Amonestaron polo Pescados Rubén Burela con cartón amarelo á futbolista Lara Balseiro (minuto 4). Mentres que nas filas do Ourense Envialia virón cartón amarelo Iria Saeta (minuto 16) e Vane Barberá (minuto 33).
INCIDENCIAS: Final da XIV Copa Galicia disputada no pavillón da Gándara de Narón. Xunto ao presidente burelista, Manuel Blanco, as Guerreiras Laranxas tamén recibiron o apoio do alcalde de Burela, Alfredo Llano, dende o palco de autoridades, que estivo encabezado polo presidente da RFGF, Rafael Louzán. Peque recibiu o galardón de Máxima Goleadora da cita e a ourensá Chiky, o de MVP.
