Apenas unha semana despois da celebración do Campionato de lanzamentos longos de menores, esta modalidade celebra outro torneo, desta vez de nivel absoluto e máster. Nel, o Campionato de España de lanzamentos longos de inverno que se celebra en Montijo, competirán seis atletas galegas.
Na categoría absoluta, a xavelina será o foco de atención xa que concurren nada menos que catro das nosas mellores lanzadoras, estre as que se atopa a internacional e campioa de España en dez ocasións, Lidia Parada do Atletismo Barbanza, quen se achega ca segunda mellor marca das atletas participantes.
Xunto ela estarán lanzando a subcampioa nacional de aire libre do ano pasado Carmen Sánchez, a subcampioa de España Sub23 Ivanna Carolina Román do Ría Ferrol e a temén subcampioa de España Sub23 do ano 2018 Andrea González da Sociedad Gimnástica de Pontevedra.
A maiores contaremos ca presenza no martelo de Irene Gómez quen o pasado fin de semana lograba o título nacional de promoción.
No nivel máster só haberá unha atleta feminina galega: Ana Abuín, da Atlética A Silva. Ela será quen defenda os seus dous títulos nacionais F60 de martelo e martelo pesado logrados o ano pasado en San Fernando.
