As Guerreiras Laranxas do Burela FS son pentacampioas da Supercopa de España de fútbol sala feminino. Catro deses cinco trofeos acadáronos de xeito consecutivo. Nesta ocasión, na Final Four, venceron primeiro 5-3 ao Futsi Atlético Navalcarnero e na final 4-1 ao Melilla Sport Capital Torreblanca FS que adestra o técnico galego Morenín. O pavillón burelense de Vista Alegre acolleu esta final a catro da Supercopa de España de futsalfem cun gran ambiente nas bancadas.
Na final, disputada hoxe domingo 29 de xaneiro, o pavillón de Vista Alegre rexistraba un cheo, máis de 1.000 persoas nas bancadas para ver o partido entre o Pescados Rubén Burela e o Melilla Sport Capital Torreblanca FS.
As melillenses que adestra Morenín demostraron a súa calidade e ambición ao longo de todo o campionato, cunha Bía e unha Amandhinha que cada partido destacan e ofrécennos un espectáculo digno de gozar xunto ao resto do seu equipo.
Pero enfronte tiñan ao mellor equipo do mundo, como foi cualificado o Burela FS nos últimos anos nos Futsalplanet Awards. O conxunto que adestra Julio Delgado, esta vez xa no banco, foi superiores ao MSC Torreblanca FS, do mesmo xeito que o fora na semifinal contra o seu gran rival, o Futsi Atlético Navalcarnero.
Comezaba o encontro e Dany tiña xa a súa primeira gran oportunidade no minuto dous de partido. Pouco despois, no minuto tres de xogo, e tras unha parede entre Antía Pérez e Cilene, a galega anota o primeiro gol do encontro (1-0).
O Pescados Rubén Burela FS domina o xogo e consegue tras varias oportunidades máis. Tivo unha ocasión Cilene e posteriormente de Emilly Marcondes, ambas frustradas pola porteira Sara Soares. Logo, tras unha moi boa xogada de Dany e Cilene que vai ao pau, de novo detén o esférico a porteira do MSC Torreblanca cando remata Antía Pérez que quería asinar o segundo do partido e da súa conta particular.
Non sería ela, pero ese segundo gol non tardaría nada en chegar. Tras o primeiro tempo morto, no mesmo minuto, era Dany que anotaba o segundo gol do partido no minuto 12 tras un xiro (2-0).
Tras unha falta de Antía Pérez, Nerea viuse obrigada a abandonar a pista con molestias preocupantes na perna, esperamos que sexa menos do que pareceu.
No minuto 16 Peque anota o 3-0 cun golazo tras un pase de Emilly Marcondes desde media pista. A continuación chegaron dúas oportunidades boas do Melilla Sport Capital Torreblanca FS, que para nada era un convidado de pedra nesta final.
A primeira das melillenses foi unha de ocasión de Juliana no minuto 16 que se vai por encima do traveseiro e a outra asinouna Amandinha no 17 ante Caridad. Tan bo o tiro da futbolista como a parada da porteira. A internacional brasileira foi elixida ata en oito ocasións a mellor xogadora do mundo. E cada vez que salta á cancha queda patente a súa clase.
Antes do descanso Emilly Marcondes botaba unha falta perigosa que se lle marchou por fóra dos tres paus. O MSC Torreblanca FS optou por depresionar con xogo de cinco na última xogada da primeira metade.
Cambio na portaría do Burela para o segundo acto
Na segunda parte saía Jozi de Oliveira á pista por Caridad e o MSC Torreblanca FS insistiu co xogo de cinco colocando porteira – xogadora. A xogada estivo a piques de lle saír ben. Tiveron as futbolistas que adestra Morenín varias ocasións. Nunha delas Jozi tivo que facer unha dobre parada que evitou que chegase nese momento do partido o primeiro gol do equipo de Melilla.
No minuto 28 o Pescados Rubén Burela FS volve lanzar unha falta perigosa que vai fóra e tras un tempo morto no minuto 30 Thais anota 3-1 xogando en superioridade.
Continúan co 4 para 5 e o Torreblanca busca e ten oportunidades pero bate coa boa defensa das Guerreiras Laranxas.
No minuto 31 Emilly Marcondes asina o 4-1. Foi un golazo que se coa entre as pernas da porteira rival. No 36 unha oportunidade destacable de Irene Samper que dá no pau e a pesar da presión do xogo de cinco co que seguía en pista o MSC Torreblanca FS.
Nin a súa insistencia, nin asumir o risco de xogar con porteira – xogadora lle deu os froitos desexados a Morenín. As melillenses non conseguiron mudar o resultado en Vista Alegre e a final da Supercopa de España de futsalfem finalizaba cun 4-1.
Así se proclamaban as Guerreiras Laranxas pentacampioas da Supercopa de España de fútbol sala feminino da RFEF. A festa encheu a pista e as bancadas no pavillón de Burela ateigado de seareiras das da Mariña.
¡Sin duda inolvidable!🧡
📽️ @FutSalRFEF pic.twitter.com/F5BY9DGOJR
— Pescados Rubén Burela FS (@burelafs) January 29, 2023
FICHA TÉCNICA
4) PESCADOS RUBÉN BURELA FS: Caridad (porteira), Dany, Cilene, Emilly Marcondes e Antía Pérez – quinteto inicial -. Tamén xogaron: Peque (C), Jeny, Irene Samper, Patricia e Jozi de Oliveira (porteira suplente).
1) MELILLA SPORT CAPITAL TORREBLANCA FS: Sara Soares (porteira), Lydia, Amandhinha e Juliana, Bia – quinteto inicial -. Tamén xogaron: Vicky, Jhennif, Nerea, Nega, Shulha, Thais, Ana Cunha, Vika e Patri (porteira suplente).
GOLES: Min. 3 Antía Pérez 1-0; min. 12 Dany 2-0; min. 16 Peque 3-0; min. 30 Thais 3-1; min. 31 Emilly Marcondes 4-1.
EQUIPO ARBITRAL: Sergio Sánchez Llrente, Lucía Gómez Rojo, Fernando Faubell Zaldivar, Noelia Gutiérrez Muñoz.
INCIDENCIAS: Final da Supercopa de España de fútbol sala feminino da RFEF disputado no pavillón de Vista Alegre en Burela (Lugo). Unhas 1.000 persoas seguiron o partido desde as bancadas. O recinto estaba cheo.
1. Burela, campión da Supercopa de España 2023 / BURELA FS
Burela, campión da Supercopa de España 2023 / BURELA FS
2. Amandinha, futbolista do Melilla Sport Capital Torreblanca FS, na final da Supercopa de España ante a Guerreira Laranxa Dany / BURELA FS
Amandinha, futbolista do Melilla Sport Capital Torreblanca FS, na final da Supercopa de España ante a Guerreira Laranxa Dany / BURELA FS
3. Antía Pérez, futbolista do Burela, celebra un gol na final da Supercopa de España ante o MSC Torreblanca FS / BURELA FS
Antía Pérez, futbolista do Burela, celebra un gol na final da Supercopa de España ante o MSC Torreblanca FS / BURELA FS
4. Julio Delgado, adestrador do Pescados Rubén Burela, na final da Supercopa de España 2023 / BURELA FS
Julio Delgado, adestrador do Pescados Rubén Burela, na final da Supercopa de España 2023 / BURELA FS
5. Emilly Marcondes, na final Supercopa de España 2023 / BURELA FS
Emilly Marcondes, na final Supercopa de España 2023 / BURELA FS
6. Celebración dun gol do Burela na final Supercopa de España 2023 / BURELA FS
Celebración dun gol do Burela na final Supercopa de España 2023 / BURELA FS
7. Celebración dun gol do Burela na final Supercopa de España 2023 / BURELA FS
Celebración dun gol do Burela na final Supercopa de España 2023 / BURELA FS Jenny Dany
8. Peque conduce o balón na final Supercopa de España 2023 / BURELA FS
Peque conduce o balón na final Supercopa de España 2023 / BURELA FS
9. Peque e Dany, do Pescados Rubén Burela, protexen un balón ante a mirada de Amandinha, do MSC Torreblanca FS, na final Supercopa de España 2023 / BURELA FS
Peque e Dany, do Pescados Rubén Burela, protexen un balón ante a mirada de Amandinha, do MSC Torreblanca FS, na final Supercopa de España 2023 / BURELA FS
10. Antía Pérez, futbolista do Burela na final da Supercopa de España ante o MSC Torreblanca FS / BURELA FS
Antía Pérez, futbolista do Burela na final da Supercopa de España ante o MSC Torreblanca FS / BURELA FS
11. Emilly Marcondes conduce o balón na final Supercopa de España 2023 ante o MSC Torreblanca FS / BURELA FS
Emilly Marcondes conduce o balón na final Supercopa de España 2023 ante o MSC Torreblanca FS / BURELA FS
12. A porteira Jozi Oliveira na final da Supercopa de España 2023 / BURELA FS
A porteira Jozi Oliveira na final da Supercopa de España 2023 / BURELA FS
13. Celebración do Burela como campión da Supercopa de España 2023, na imaxe Jozi, Cilene, Peque e Dany / BURELA FS
Celebración do Burela como campión da Supercopa de España 2023, na imaxe Jozi, Cilene, Peque e Dany / BURELA FS
14. Irene Samper, na final Supercopa de España 2023 contra o MSC Torreblanca FS / BURELA FS
Irene Samper, na final Supercopa de España 2023 contra o MSC Torreblanca FS / BURELA FS
15. Julio Delgado, adestrador do Pescados Rubén Burela, na final da Supercopa de España 2023 / BURELA FS
Julio Delgado, adestrador do Pescados Rubén Burela, na final da Supercopa de España 2023 / BURELA FS
16. Celebración dun gol do Burela na final Supercopa de España 2023 / BURELA FS
Celebración dun gol do Burela na final Supercopa de España 2023 / BURELA FS
17. Emilly Marcondes, na final Supercopa de España 2023 ante o MSC Torreblanca FS / BURELA FS
Emilly Marcondes, na final Supercopa de España 2023 ante o MSC Torreblanca FS / BURELA FS
18. Celebración dun gol do Burela na final Supercopa de España 2023 / BURELA FS
Celebración dun gol do Burela na final Supercopa de España 2023 / BURELA FS
19. Antía Pérez, futbolista do Burela na final da Supercopa de España ante o MSC Torreblanca FS / BURELA FS
Antía Pérez, futbolista do Burela na final da Supercopa de España ante o MSC Torreblanca FS / BURELA FS
20. Julio Delgado, adestrador do Pescados Rubén Burela, co trofeo de campionas da Supercopa de España 2023 / BURELA FS
Julio Delgado, adestrador do Pescados Rubén Burela, co trofeo de campionas da Supercopa de España 2023 / BURELA FS
21. Celebración do Burela, campión da Supercopa de España 2023 / BURELA FS
Celebración do Burela, campión da Supercopa de España 2023 / BURELA FS
22. Formación Burela FS na final da Supercopa de España ante o Melilla Sport Capital Torreblanca FS / BURELA FS
Formación Burela FS na final da Supercopa de España ante o Melilla Sport Capital Torreblanca FS / BURELA FS
