O HC Deportivo Liceo asalta a pista do Telecable HC e acada deste xeito a súa quinta vitoria consecutiva na OK Liga Feminina e diante dun aspirante ao título.
Cinco vitorias seguidas, con dous delas ante candidatos ó título, non son casualidade. O HC Deportivo Liceo impúxose ao CP Manlleu na fin de semana na Coruña e onte fíxoo tamén na pista do Telecable HC en terras asturianas. Deste xeito, o equipo que prepara Stanis García suma xa 25 puntos. Estes tres puntos estiveron baseados nun gran traballo táctico e físico que acogotou ó rival.
Esa foi a tónica xeral do partido. Aguantar e buscar a oportunidade. Mentres, xa estaban as defensoras e outro gran rendemento de Viki Caretta para gardar as costas. O plan foi á perfección e, ós dous minutos do descanso, María Sanjurjo e Adriana Soto colocaron un meritorio 0-2.
Tamén tocaron momentos para sufrir. O enorme potencial do Telecable HC permitiulle empatar o partido entre os minutos 32 e 36 grazas a Marta González e Sara Roces, dúas das xogadoras máis destacadas da competición.
A pesar diso, o conxunto que adestra Stanis García non se acogotou. Alba Garrote, protagonista dos tres puntos ante o Manlleu, fixo maxia de novo e colocou o 2-3. Ó mesmo tempo, Viki Caretta e a defensa continuaban neutralizando con éxito os numerosos ataques locais. Xa desesperado e con cinco xogadoras de pista, o Telecable HC cedeu un 2-4 definitivo obra de María Sanjurjo.
Deste xeito o conxunto herculino está coa moral polas nubes para recibir ó Cerdanyola o vindeiro domingo, ás 17:00h. Outro rival de gran nivel. Será o terceiro en caer?
FICHA TÉCNICA
2) TELECABLE HC: Fernanda Hidalgo; Marta González, Sara González, Nuria Obeso e Sara Roces – quinteto inicial -. Tamén xogaron: Rebeca González, Daira Milagros Carrera e Eva Mejido.
4) DEPORTIVO LICEO: Viki Caretta; María Sanjurjo, Alba Garrote, Adriana Soto e Lucía Yáñez – quinteto inicial -. Tamén xogaron: Bea Gaete, Naiara Vaamonde, Lara Yáñez, Cris Diz e Mencía Mosquera.
GOLES: 0-1 (María Sanjurjo, min. 23). 0-2 (Adriana Soto, min. 23). 1-2 (Marta González, min. 32). 2-2 (Sara Roces, min. 36). 2-3 (Alba Garrote, min. 38). 2-4 (María Sanjurjo, min. 50).
ÁRBITRO: Miguel Díaz Cosme. Sen cartóns.
INCIDENCIAS: Xornada 16ª da OK Liga Femenina da FEP na tempada 2021/22. La Calzada.
