Este domingo, 13 de setembro, celebrouse o IV Campionato Galego de Augas abertas no Encoro de Pontillón do Castro, en Pontevedra, no que participaron máis de 320 nadadores pertencentes a 25 clubes galegos. Bea Gómez do C.N. Galaico foi a vencedora individuais absoluta feminina.
Nun día no que a meteoroloxía acompañou á competición en exteriores, as nadadoras e nadadores galegos pudieron competir sen neopreno grazas á boa temperatura da auga. Destacaron a nivel individual, Bea Gómez Cortés do C.N. Galaico, e Gaspar Andrade Budiño, do C.N. Liceo, campións individuais. En senior feminino o segundo lugar foi para Alba Gómez Mesía do C.N. Arteixo e o terceiro para Ana Veiga Souto do Club del Mar.
Por clubes, o C.N. Galaico foi o vencedor en categoría feminina, segudo do C.N. Ponteareas e o C.N. Liceo. O C.N. Galaico tamén venceu en total e o C.N. Ponteareas venceu en categoría masculina.
No Campionato Máster o C.D.N. Cidade de Santiago venceu na categoría masculina, o C.N. Galaico na categoría feminina e o C.N. Ponteareas na total.
A organización do evento axudou a que os participantes fixeran o seu percorrido de 2.000 metros coa máxima seguridade. Unha proba que foi contra reloxo, saíndo todos os deportistas con 20” de diferencia entre un e outro.
Para consultar toda a información sobre tempos e clasificacións, podes acceder a través desta ligazón da Federación Galega de Natación.
Dende a propia FEGAN queren agradecer de xeito especial á Federación Galega de Piragüismo a súa “inestimable colaboración ao ceder estas magníficas instalacións para poder desenvolver o campionato cumprindo, con todos os requisitos de seguridade”.
O C.N. Arteixo conseguiu dúas medallas no Campionato Galego de Augas Abertas
As participantes femininas do Club Natación Arteixo acadaron postos de medallistas, Paula Otero foi ouro Júnior-1 e Alba Gómez prata na categoria Sénior.
No Júnior-1, o podio completáronno Carla Faro, do CN Ponteareas e Ana Cernadas, do Club Fluvial Lugo.
Pola outra banda, Beatriz Gómez, CN Galaico do foi gañadora da Sénior mentres que Ana Veiga, do C del Mar, conseguiu o bronce
Esta competición clausura a tempada de Augas Abertas e abre paso á ilusión de deportistas, clubs e federación de que, coas debidas precaucións, se poida arrancar a tempada competitiva de natación 2020-2021.
