O Pavillón Central do Consello Superior de Deportes de Madrid acollía hoxe, sábado 8 de febreiro, a celebración da XV Copa Federación de Clubs Sub 16 e a VI Copa Federación de Clubs Sub 18. Á competición acudían dous clubs galegos: CH Coruña e CH Pabellón. As coruñesas volveron con catro ouros, os dous individuais de Ruth FuenteFría en Sub 16 e Irene Branco Tarela en Sub 18, e o ouro por equipos en ambas as modalidades para a categoría feminina. O club, puido sumar un quinto ouro por equipos en Sub 18 masculino.
Un total de 75 deportistas (35 halterófilos e 40 halterófilas), déronse cita nesta competición que definiría aos mellores clubs nacionais en categorías Sub 16 e Sub 18. O campionato celebrábase en catro bloques, Sub 16 e Sub 18, masculino e feminino.
Á cita podían acudir o primeiros cinco equipos clasificados nas súas respectivas categorías da liga Nacional do ano anterior, neste caso a edición de 2019. Desde Galicia clasificáronse un total de seis equipos para este evento deportivo. Cinco competían desde o Club Halterofilia Coruña (sub 16 e sub 18 masculino, sub 16 A e B feminino, e sub 18 feminino). O sexto participante galego foi o conxunto Sub 18 feminino do Club Halterofilia Pabellon de Ourense.
Esta cita está considerada un Campionato de España de clubs de categorías de base na halterofilia e foi un éxito total para a halterofilia galega. En tres do catro clasificacións por equipos triunfou o conxunto do CH Coruña e na cuarta finalizou no terceiro posto. A iso hai que sumar os éxitos individuais das halteras do CH Coruña Ruth Fuentefría e Irene Blanco Tarela.
Vitoria do CH Coruña na Sub 16 feminina
Na categoría Sub 16 feminina o dominio coruñés do CH Coruña foi esmagador. As deportistas herculinas sumaron máis de 100 puntos sinclair fronte ao segundo, o Molins de Cataluña, exactamente 682 fronte aos 575.
Máis apertada foi a competición Sub 18 feminina, onde as halteras do CH Coruña conseguiron un triunfo axustado con 17 puntos de diferenza diante do equipo de Salamanca.
Pola súa banda, o CH Coruña B Sub 16 feminino e o CH Pabellón Sub 18 feminino, finalizaron a competición en quinto lugar na clasificación por equipos nas súas respectivas categorías.
No sub 16 masculino o club coruñés do CH Coruña conseguiu unha vitoria de sorpresa fronte ao favorito, Molins. Mentres, os sub 18 masculinos aliñáronse nunha posición complicada xa que o máximo expoñente do equipo, Alejandro Méndez sufriu unha lesión na semana do evento e non puido participar, anulando así a posibilidade da vitoria dos galegos. Aínda así, despois dunha dura competición o CH Coruña acadou un sitio no podio tamén nesta categoría.
Irene Branco Tarela podría ir con España ao Mundial Junior
Esta Copa Federación celebrada en Madrid constituía á vez un test da dirección técnica da Federación Española de cara ao próximo Campionato do Mundo Junior. A competición celebrarase o próximo mes de marzo en Romanía. Tras estes resultados, e á espera da decisión dos técnicos, é moi probable que a nova haltera coruñesa Irene Branco Tarela, do CH Coruña, estea seleccionada e acuda con España ao Mundial.
Así quedaron as galegas na táboa clasificatoria
En categoría Sub 16 participaron estas halteras galegas que consigueron os seguintes postos:
- 1 Ruth Fuentefría CH Coruña
- 2 Vega García CH Coruña
- 4 Jennifer Tocuyo CH Coruña
- 10 Paula Canedo CH Coruña
- 13 Carol Ángela Abeleira CH Coruña
- 14 Laura Martínez CH Coruña
- 16 Ariadna Ayala CH Coruña
- 17 Lucía López CH Coruña
Grazas a su concurso, como indicábamos anteriormente, o Club Halterofila Coruña proclamouse campión da XV Copa Federación de Clubes Femenina Sub 16 con 682,49 puntos, seguido do Terhalte con 575,11 e o CH Molins con 558,27.
Na VI Copa Federación de Clubs Sub 18 feminina contouse coa participación das seguintes halteras galegas das que detallamos tamén o posto obtido na clasifcación.
- 1 Irene Blanco CH Coruña
- 7 Dariana Abigail Arancibia CH Coruña
- 9 Ana Arufe CH Coruña
- 11 Mª Ángeles Hernández CH Coruña
- 16 Iria Guevara CH Pabellón
- 17 Eyen Díaz CH Pabellón
- 19 Carla Cid CH Pabellón
- 20 Lucía Vargas CH Pabellón
Na clasificación por clubs Sub 18 femenino, o CH Coruña foi o campión con 735,08 puntos, seguido do CH Salamanca con 718,28 e o Asturias Weightlifting con 647,18. As galegas do CH Pabellón finalizaron a competición en quinto lugar con 485,59 puntos.
