Galicia sobresáese no Campionata de España de combate. A selección galega de taekwondo logra a medalla de prata na clasificación xeral por equipos e o ouro na clasificación feminina que se celebrou en Torrelavega. As nosas deportistas acadaron catro ouros —Sara Cortegoso, Alma Pérez, Arlet Ortiz e Tania Castiñeira— e dous bronces —Elisabeth Piedras e Desirée Rivadulla—.
Espectacular acutación da selección galega feminina. Sara Cortegoso, do Mace Sport, logrou a medalla de ouro en -46 kg tras vencer en tres combates de forma moi contundente. Sara superou na primeira rolda a Selena Ortega, de Baleares, por 20-10. Posteriormente, eliminou en semininais a valenciana Blanca Calvo por máis de 20 puntos (32-11) e na final gañou a Noelia Grau, a valenciana, por 21-14.
Alma Pérez, na categoría -52 kg e do club Suh Sport, volveu a facer outro campionato de escándolo. Acadou o título na categoría sénior. Na primeira rolda venceu a catalana Laura Bonals por un 7-4. De seguido eliminou a Natalia Ruedas, da selección de Castela a Mancha, con superioridade: 25-10. Na semifinal gañou a canaria Marian Real por 20-7. O mellor combate o fixo no final contra, ata ese intre, campioa de España sénior. Alma venceu por un 3-30 a súa enorme profesión.
Arlet Ortiz, en -57 kg do Mat’s, logrou o ouro tras vencer en catro combates de forma clara. En primeira rolda superou a Arene Rementería, de Castela e León, por 20 puntos de diferenza. De contado gañou a navarra Alison Forgan por 8-4 e así logrou o pase a semifinais. Eliminou con contundencia á andaluza Andrea Teodora (22-4). Na final enfrontouse á cabeza de serie número 3, a madrileña Pilar Martín e, novamente Arlet non deu opción. Así sentenciou o título con moi boas sensacións e vencendo a xente coa que perdera en algún momento.
Tania Castiñeira, en +73 kg do Hebe, campioa de España tras superar a canaria Nerea Martín por un 1-25. Na semifinal venceu á madrileña Miriam Ortega sen paliativos (6-26) e rematou o seu campionato enfrontándose na final á súa compañeira de adestramentos no CAR de Barcelona, Belén Morán. Foi un combate moi emocionante que se decidiu finalmente a favor da galega por 3-2. Desta forma, Castiñeira ponse no primeiro posto do ránking.
Dous bronces galegos por parte de Elisabeth e Desirée en combate
A isto engadimos dous bronces. Elisabeth Piedras, -73 kg do Patiño, subiu ao último chanzo tras gañar nos cuartos a Zurine Padilla (Euskadi) por 1-9. Na semifinal, non puido con Carlota Zanoni, que foi a que se proclamou campioa de España. A novísima Desirée Rivadulla (+73, Suh Sport) superou á representante de Valencia nos cuartos (1-0) e perdeu na semifinal contra Belén Morán nunha axustada loita (2-0).
Por parte do plantel masculino, o único ouro chegou de parte de Ivan García no peso pesado. A única prata de Galicia foi para Pablo Patiño, en -68 kg do Patiño, fixo un bo torneo no que se quedeu moi preto do ouro. En bronce tamén subíronse o terceiro caixo de man de José Fernández, en -74 kg do Natural Sport Riveira e do júnior Luciano Martínez, de +87 do Neka.
