Catro galegas na lista de 14 futbolistas de Clàudia Pons para a Selección Española de FutSalFem

Catro futbolistas galegas reciben a chamada da adestradora Clàudia Pons para acudir a defender a camiseta da Selección Española Absoluta de Futsalfem: Ale de Paz, Candela Soria, Martita e Luci. Ademais catro son tamén os equipos galegos que aportan xogadoras ao combinado estatal español: ENCE Marín Futsal, Poio Pescamar, Ourense Envialia e Pescados Rubén Burela. O fútbol sala feminino galego confirma o seu estado de gracia.

O póker de galegas está la lista de citadas para os dous encontros amigables que España xogará ante Xapón da man da RFEF. Os cruces están previstos para os días 22 e 23 de novembro en Madrid.

Será a primeira concentración do combinado estatal español tras lograr a clasificación para a fase final do Europeo, que se disputará o próximo mes de marzo.

Nesta convocatoria hai catro xogadoras galegas:

• Alejandra Ale de Paz – ENCE Marín Futsal
• Candela Soria – Ourense Envialia
• Marta López-Pardo Martita e Lucía Gómez Luci – Poio Pescamar

Na convocatoria tamén figuran tres xogadoras do Pescados Rubén Burela: Peque, Dany e Irene Samper.

E catro son equipos galegos aportan xogadoras: ENCE Marín Futsal, Poio Pescamar, Ourense Envialia e Pescados Rubén Burela. Todo isto dá conta, unha vez máis, do gran nivel do FutSalFem galego.

A tamén galega Vane Sotelo, que milita nas filas do Atlético Navalcarnero, figuraba na primeira convocatoria pero, por mor dunha lesión, foi substituída por Candela Soria. De tal xeito que o número de futbolistas galegas mantense en catro.

As xogadoras concentraranse ás ordes de Clàudia Pons o vindeiro domingo 20 ás 13.30 horas e realizarán catro sesións de adestramento antes dos dous amigables, que se disputarán en Madrid nunha sede aínda por determinar.

CONVOCATORIA DA SELECCIÓN ESPAÑOLA DE FUTSALFEM