Catro galegas, no Campionato de España máster de Combinadas, Pentatlón de Lanzamentos, Milla e 10.000 m. en Estepona

Esta fin de semana un total de once atletas de Galicia tomarán parte no Campionato de España máster que sobre as modalidades de Combinadas, Pentatlón de Lanzamentos, Milla e 10.000 m. desenvolveranse conxuntamente na localidade malagueña de Estepona. Alí haberá once galegos dos cales catro son as atletas femininas: Esther Pedrosa, María de los Ángeles Rodríguez, Emilia Mesa e María Abuín.

🔴Un total de once atletas da nosa Comunidade tomarán parte nos Campionatos de España de Combinadas, Milla, 10.000 m. Pentatlón de Lanzamentos, de Málaga desta fin de semana.https://t.co/Xpiaa0dN1V pic.twitter.com/f4skh5Nf7R
— Atletismo Galego (@atletismogalego) October 13, 2022

A este campionato acude unha representación do Club Atlética A Silva quen viaxa co seu presidente ao fronte da expedición. Precisamente Pepe Domínguez, tomará parte na modalidade de combinadas na M50 estando acompañado pola campioa de España María Abuín na categoría F60 na modalidade Pentatlon de lanzamentos e a campioa mundial de pista cuberta María de los Angeles Rodríguez quen tomará parte en Heptatlon na categoría de F60.

Ver esta publicación en Instagram

Una publicación compartida de Atlética A Silva-Ordes (@atleticaasilva_ordes)

No tocante a S.D. Compostela Atletismo viaxará ao de igual modo a este Campionato de España máster un dos seus responsables e especialista nas probas de ruta Amador Pena quen estará participando na M40, tanto sobre os 10.000 m. como sobre a milla. O especialista nas probas de ruta acudirá acompañado polo atleta da mesma entidade, Emilio García quen sobre a M45 verémolo na línea de saída da Milla.

O Samertolameu é outro dos conxuntos que envía representantes a este Campionato de España máster. En concreto será o campión de España en xavelina Javier Viteri na M60, quen esté concursando sobre o modalidade de Pentatlon de lanzamentos así como o plumarquista mundial de relevos Pablo Fervenza na M70 quen por partida dobre tomará parte na milla e nos 10.000 m.

Esther Pedrosa defende neste campionato o seu récord de España nos 10.000m

A tamén multi plusmarquista mundial, e a nosa máis importante atleta máster femenina Esther Pedrosa, tomará a saída na proba da milla, distancia esta da que posúe do récord de España.

Por último o especialista máster das combinadas, Carlos Ferrer do Atletismo Narón, será outro dos que estén tomando parte neste nacional xunto ao atleta do ADAS CUPA Juan Miguel Maillo nos 10.000 m. na categoría M40. Xunto eles, a plusmarquista de EspañaEmilia Mesa do Ourense Atletismo pechará esta participación galega competindo sobre o Pentatlón de lanzamentos na categoría M65.

Tres xornadas de competición en Estepona

A competición desenvolverase ao longo de tres xornadas en Estepona que acolle por primeira vez aos máster. O Campionato empezar o sábado pola mañá co pentatlón de lanzamentos de homes desde M70 e de todas as categorías de mulleres, o sábado pola tarde terá lugar a milla de todas as categorías de mulleres e a de homes desde M60, tamén os 10.000 m de homes ata M55 e o pentatlón de lanzamentos dos homes ata M55, iniciándose ademais a primeira quenda de probas das combinadas de ambos os sexos.

Finalmente o domingo pola mañá, ademais de concluír o resto de probas das combinadas, competirán os atletas masculinos participantes na milla ata M55, todas as mulleres dos 10.000 m e de homes desde M60 e os de pentatlón de lanzamentos de M60 e M65.

Todas as autonomías están representadas, sendo Andalucía, anfitroa, a autonomía máis numerosa seguida de Madrid e Cataluña cun sorpresivo cuarto posto para Canarias. Segundo informa a RFEA, 202 atletas foron os admitidos para conformar un total de 237 participacións nesta competición. Como deciamos ao inicio desta información deles, once serán galegos e deles, catro, atletas femininas galegas.

INFORMACIÓN DE INTERESE