O CV Arenal Emevé terá en total sete representantes no All Star da RFEVB. Tres serán do equipo feminino, Lucía Prol, Jimena Fernández Gayoso e Marcella Amaral, outros tres do masculino, Vitão Ramos, Gustavo Romani e Koko Linares que defenderán as cores do conxunto morado na cita masculina. O sétimo representante será o técnico José Valle que dirixirá ao equipo branco xunto a Máximo Torcello enfrentándose así aos xogadores que adestra habitualmente. Os partidos das estrelas celebraranse no marco da Copa de España de Voleibol.
O CV Arenal Emevé contará cunha nutrida representación nos All Star que organizará a RFEVB no marco da Copa de España de Voleibol. Lucía Prol, Jimena Fernández Gayoso e Marcella Amaral disputarán o partido das estrelas da liga Ibedrola, mentres que Vitão Ramos, Gustavo Romani e Koko Linares farano no
da Superliga Masculina, onde tamén estará José Valle nun dos bancos.
O excelente papel dos dous equipos da entidade lucense na primeira volta ten como recompensa a presenza de seis dos seus integrantes e do adestrador do equipo masculino nos partidos das estrelas que organiza a Real Federación Española de Voleibol con motivo da Copa de España, que se disputa ata o próximo 30 de decembro.
Os primeiros en saltar á cacha serán Vitão Ramos, Gustavo Romani e Koko Linares defenderán as cores do conxunto morado na cita masculina, que terá lugar hoxe, 28 de decembro, en Guadalaxara ás 19:00 horas. No banco rival terán unha cara coñecida, a do seu adestrador José Valle, que dirixirá ao equipo branco xunto ao Máximo Torcello, técnico de Pamesa Teruel.
Pola súa banda Lucía Prol, Jimena Fernández Gayoso e Marcella Amaral formarán parte do equipo branco no All Star da liga Iberdrola que se disputará o 29 de decembro no pavillón Pisuerga de Valladolid a partir das 20:00 horas.
As cadetes e os xuvenís do Emevé, na Copa de España
A entidade lucense tamén estará representada na Copa de España polo seu equipo Xuvenil Masculino e polo Colexio San Lorenzo Emevé de categoría Cadete Feminina.
Os xogadores e xogadoras dos equipos de Superliga non serán os únicos representantes da entidade na cita, xa que dous equipos defenderán as cores do CV Arenal Emevé na competición.
En Guadalaxara estará presente o Xuvenil Masculino, mentres que a Valladolid acudiu o Colexio San Lorenzo Emevé de categoría Cadete Feminina.
