O Viaxes Amarelle FSF afrontaba hoxe, sábado 1 de maio, un partido vital nas súas aspiracións durante a presente tempada ao enfrontarse contra un Rayo Majadahonda Afar 4 FSF. Trátase do rival que, actualmente, marca a permanencia na categoría. As herculinas souberon sufrir durante todo o partido a un contrario cun gran potencial ofensivo, e adiantáronse no marcador cun gol de Candela Soria. Aínda que as locais puxeron as táboas a oito minutos do final, Cris Lourés conseguía pór o 1-2 a falta de 47 segundos para o final do encontro, e conseguir así tres puntos de ouro para o tramo final da competición ligueira.
O partido empezaba cun Viaxes Amarelle FSF que iniciaba o encontro querendo ter o balón e levar a iniciativa, pero atopouse cun Rayo Majadahonda Afar 4 FSF que saía moi ben á contra, e moi pronto tería dúas ocasións moi claras sobre a portaría herculina, aínda que sen fortuna de face a gol.
Os minutos pasaban e as futbolistas coruñesas conseguía crear perigo en accións a balón parado, mentres que as locais facían traballar á meta galega para manter a súa portaría a cero. Os minutos pasaban e o partido terminaríase por ir ao tempo de asueto co 0-0 inicial.
Na continuación, o Viaxes Amarelle FSF atrasábase na súa liña de presión e buscaba tentar sorprender á contra; e aos dous minutos de xogo, Yaiza saca en longo a Candela Soria, que recibe en posición de pivote e vírase sobre o seu rival para enganchar un potente disparo cruzado que termina ao fondo da rede majariega para adiantar ao cadro dirixido por Jorge Basanta (0-1).
Con este gol por diante, as locais apertaron os dentes e foron cada vez máis a por a portaría visitante, pero un gran traballo defensivo e excelentes accións de Leti Rojo, baixo paus, permitían manter a vantaxe no marcador; ata que a falta de oito minutos para o final do encontro, Vero conseguía finalizar unha rápida contra, nunha xogada de unha para unha ante a meta galega (1-1).
Coa igualada xa no marcador, chegarían os minutos decisivos para o partido; onde os equipos tiñan que loitar polo tres puntos, pois o empate non convencía a ningún. Foi así como, a falta de seis minutos para o termo do partido, o Viaxes Amarelle FSF optaba polo xogo de cinco, e aínda que non conseguiron finalizar ningún ataque de forma prometedora, as majariegas tiveron que intensificar o seu defensa. Este cambio no xogo terminou por provocar dúas faltas de Pitu, que serían sancionadas con cartón amarelo, e deixaría ao equipo local cunha xogadora menos os últimos dous minutos e medio de partido.
A expulsión de Pitu deixaba ao Amarelle en vantaxa numérica sobre a pista
Coa opción de superioridade, sen necesidade do xogo de cinco, o conxunto dirixido polo técnico galego Jorge Basanta tentouno en varias ocasións sen fortuna. A falta de que cumprisen sete segundos para a sanción de 2 minutos das locais, chegaría un gol de Cris Lourés, que finalizaba no segundo pau un pase de Anna Escribano e puña o 1-2 no marcador.
Aínda quedaba 47 segundos de partido por diante, e o Rayo Majadahonda Afar 4 FSF era quen sacaba agora o xogo de cinco. As locais querían pelexar, como mínimo, por acadar un empate. O seu intento non obtiña froitos xa que a boa defensa galega conseguía manter con uñas e dentes unha vantaxe.
Este valiosísimo trunfo concélles as coruñesas tres puntos de ouro neste tramo final da competición ligueira onde as laranzas loitará pola permanencia na máxima categoría nacional.
Así está a táboa logo desta vitoria das coruñesas
Con este +3 no marcadora, o conxunto herculino consegue distanciarse en oito puntos das Adegas Sommos Intersala Promesas Zaragoza FSF, que actualmente marca o descenso directo; e nove puntos do Cidade de As Burgas FSF e o Gran Canaria FSF Teldeportivo. Quedan 15 puntos en xogo para o outro equipo galego e 18 puntos para mañas e canarias, ao ter un encontro aprazado cada un dos equipos.
Por outra banda, logo desta vitoria, as herculinas empatan a puntos, aínda que cun partido máis as galegas, co equipo que marca a permanencia, Rayo Majadahonda Afar 4 FSF, polo que se ve que se prevé unha segunda volta desta segunda fase da competición apaixonante para o conxunto herculino, na súa loita por manter a categoría na elite do fútbol sala feminino.
Na seguinte xornada as de Basanta repiten rival
Tras a disputa deste encontro aprazado da primeira volta da segunda fase da competición regular, o Viaxes Amarelle FSF regresará o luns aos adestramentos; e o próximo fin de semana terán un novo partido clave nas aspiracións pola permanencia na Primeira División Nacional Feminina de Fútbol sala.
O cadro herculino disputará a sexta xornada do subgrupo D, o sábado 8 de maio de 2021 ás 18:00 horas no Pavillón Municipal de Sagrada Familia (A Coruña) recibindo, precisamente ao Rayo Majadahonda Afar 4 FSF. Así que as madrileñas devolverán a visita desta fin de semana ás galegas
FICHA TÉCNICA
RAYO MAJADAHONDA AFAR 4 FSF: Lauri, Pitu, Coral, Vero e Moni – quinteto inicial – Tamén xogaron: Carmen, Marta, Chili, Pitxi e Cels.
VIAXES AMARELLE FSF: Leti Rojo, Cris Lourés, Candela Soria, Anna Escribano e Patri Romaní – quinteto inicial – Tamén xogaron: Lau Doce, Patri Corral, Yaiza, María Gómez, Tana e Sofía.
Goles: 0-1 Candela Soria (min. 22); 1-1 Vero (min. 32); 1-2 Cris Lourés (min. 40).
ÁRBITROS: Ignacio Del Olmo Martínez e Alejandro Jarque Ruíz do Colexio de Árbitros de Madrid. Mesa: Mónica Pérez García do Colexio de Árbitros de Madrid. Amonestaron: Pitu do Rayo Majadahonda Afar 4 FSF (Dobre cartón amarelo). Tana, Sofía, Diego Rodríguez e Jorge Basanta do Viaxes Amarelle FSF (cartón amarelo).
INCIDENCIAS: Partido aprazado correspondente á primeira xornada do Subgrupo D de la Primeira División Nacional Femenina de Fútbol Sala disputado o sábado 1 de maio, no Polideportivo Municipal de La Granadilla na cidade de Majadahonda (Madrid).
