Despois da celebración do Campionato de Niveis Danza de patinaxe no pavillón municipal Sofía Toro de Cambre, cinco patinadoras galegas ascenden á Categoría Nacional en Danza da Real Federación Española de Patinaxe. Trátase de tres mozas: Noa Louro, Zaira Sánchez e Iris Basallo e dous patinadores: Fabián Martínez e Jorge Riveiro.
Os grandes resultados acadados no torneo por estas competidoras (todas elas do CP Alquimia ou o CD Fervello, organizador do evento) permítenlles pasar de categoría.
Noa Louro, do CP Alquimia, logrou impoñerse en Nivel 1 de Danzas Obrigaotrias. En Danza Libre, Fabián Martínez, tamén do Alquimia e a súa compañeira de equipo, Zaira Sánchez, lograron tamén ser aptos para o acceso a nacional.
En xuvenil, a anfitrioa Iris Basalo, do CD Fervello, tamén logrou o pase. Do mesmo club, pero en categoría senior, uniuse Jorge Riveiro.
A competición tamén tivo participación de patinadoras na modalidade Amateur Libre. En cadete masculino, Fabián Martínez foi o mellor patinador, superando a Iago Cacheiro.
En feminino, Daniela Regueira, do CP Conxuro de A Laracha logrou a máxima puntuación, con34,6 puntos, seguida de preto por Ana Crugueiras, do CP Ribeira e por Marta Fraga, do Alquimia, en segunda e terceira posición respectivamente.
En xuvenil feminino, a campioa foi Alba Vidal, do CP Ribeira, cunha puntuación de 30. Na prata quedou Anira Leiras, do Alquimia e no bronce a súa compañeira de equipo, Uxía Varela.
En categoría absoluta, Andrea Montero, do CPA Inercia logrou un resultado de 14 puntos. En total, na categoría amateur libre participaron patinadoras de once clubs galegos:
As clasificacións completas poden consultarse nesta ligazón.
