- Tres ouros, un bronce e dous cuartos clasificados son o balance do CH Coruña na Copa Federación Sub-16 e Sub-18 de halterofilia.
Arrincou a tempada española de halterofilia coa celebración da Copa Federación Sub-16 e Sub-18, nas categorías masculina e femenina. A competición tivo lugar no Pabellón Municipal de Alzira (Valencia). Este campionato corresponde aos Campionatos de España de Clubs nesas catro categorías de base.
Para participar nesta competición estaban clasificados e acudiron representando a Galicia os seguintes seis equipos:
- Sub-16 masculino: Club Halterofilia Coruña “A”
- Sub-16 masculino: Club Halterofilia Coruña “B”
- Sub-16 feminino: Club Halterofilia Coruña “A”
- Sub-16 feminino: Club Halterofilia Coruña “B”
- Sub-18 masculino: Club Halterofilia Coruña
- Sub-18 feminino: Club Halterofilia Coruña
Nesta competición participan os equipos que teñen militado na Liga Nacional Escolar do ano 2022 e se tiñan clasificado entre os cinco primeiros da súa categoría. A Federación Galega de Halterofilia foi a que obtivo maior representación. Dos 20 equipos participantes, media ducia eran do Club Halterofilia Coruña.
As clasificacións obtidas polos equipos do CH Coruña nas catro categorías foron as seguintes:
Sub-16 feminina
- CH Coruña “A” campión
- CH Coruña “B” medalla de bronce
Sub-16 masculina
- CH Coruña “A” campión
- CH Coruña “B” 4º clasificado
Sub-18 feminina
- C.H. Coruña 4º clasificado
Sub-18 masculina
- C.H. Coruña campión
A actuación dos seis equipos da entidade herculina tiveron unha actuación destacada xa que triunfaron tres das catro categorías disputadas.
A estas vitorias hai que sumarlle o dobrete acadado nas competicións da Copa del Rey e da Raíña. Dese xeito o balance do Club Halterofilia Coruña podería considerarse histórico con triunfos en cinco das seis categorías nas que se celebran campionatos estatais por equipos nunha tempada.
