Un ano despois, volven as xornadas de tecnificación de waterpolo da Federación Galega de Natación (FEGAN). Nelas participarán dúas nadadoras do CW Pontevedra en categoría infantil e unha de alevín. As deportistas retomarán a preparación desde este sábado, 8 de maio, na piscina Rosario Dueñas de Ourense.
As nadadoras elixidas son Sara González e Oriana Villar en infantil e Alicia Penide en alevín. Nestes adestramentos, as deportistas terán o privilexio de reunirse con deportistas doutros clubs e seguir aumentando a súa experiencia. Tamén acudirá un equipo de tres nadadores masculinos: Hugo González, Mario Touriño e Xian Cernadas.
Debido á situación sanitaria por mor da COVID-19, realizarase un test de antíxenos ás deportistas antes de comezar a xornada, descartando posibles positivos.
O turno das nadadoras do equipo feminino chegará ás 15:00 horas, con tests ás 15:30 e adestrando de 15:45 a 17:!5 horas.
