Catro deportistas galegas competiron nos Xogos Paralímpicos en cinco modalidades que deron como colleita un total de tres metais e tres diplomas. O paso por Tokyo 2020 das nosas paralímpicas so se pode cualificar de exitoso. Adi Iglesias, Susana Rodríguez, Desirée Vila e Vicky Alonso, son todo un cuarteto de deportistas paralímpicas galegas e bravas.
A lucense de adopción e natural de Mali, Adiaratu Iglesias Forneiro, é quen trae maleta máis cargada de metais. A velocista fíxose cunha medalla de ouro nos 100m T13 e coa prata nos 400m T13. Por raro que pareza a segunda podería considerarse aínda máis meritoria que a primeira. O motivo é que estamos diante dunha distancia á que Adi Iglesias aínda se está afacendo, de feito, na recta final dos 400m pode verse como a atleta do Lucus Caixa Rural vai perdendo a súa vantaxe aos poucos.
🥈 #GaliciaOlímpica 🏃♀️ #Atletismo 400m T13
🔹 #PREMIO🔹
Esta prata🥈, sumada ao 🥇ouro nos 100m T13 son o premio ao esforzo de todos os anos que @AdiIglesias leva preparándose para ser mellor atleta.
Parabéns‼️
📸 EFE pic.twitter.com/owDpEuAR52— fundaciondeportegalego (@fdeportegal) September 5, 2021
Nos 100m T13 Adi Iglesias xa partía como unha das grandes favoritas por tempos e non defraudou. Nas dúas probas paralímpicas a saída non foi a mellor, pero nas dúas remontou cun punto de velocidade digno das máis grades.
🥇#GaliciaOlímpica 🏃♀️#Atletismo 100m T13
🔹 #OBXECTIVO 🔹
Feito. Obxectivo cumprido. Ouro. Campioa. Brava!
📸EFE pic.twitter.com/yqzs5NyOz1— fundaciondeportegalego (@fdeportegal) September 1, 2021
Susana Rodríguez Gacio, ouro, diplome e hito entre as paralímpicas española
O outro nome propio destes Xogos Paralímpicos é, sen dúbida, o dunha loitadora galega que fixo historia non so por acadar un ouro e un diploma, que tamén, senon por ser a primeira deportista española paralímpica en competir nuns mesmos Xogos en dúas disciplinas deportivas diferentes: tríatlon e atletismo. Como seguramente xa caíchedes na conta, falamos de Susana Rodríguez Gacio.
A viguesa foi ouro en tríatlon PTVI, cunha autoridade enorme diante das súas competidoras. Xunto coa súa deportista de apoio, Sara Loehr cruzou a liña de meta cunha clara vantaxe con respecto á segunda clasificada.
🇪🇸 ¡La emoción de un país! Susana Rodríguez (@SuRGAcio) y Sara Loehr se cuelgan la medalla de oro en triatlón PTVI #ParalímpicosRTVE28A
📺 https://t.co/RhDvCcdM4q pic.twitter.com/dkJdXS3mlE
— Teledeporte (@teledeporte) August 28, 2021
Desde a primeira proba, a natación, Susana Rodríguez Gacio foi ganándolle tempo ás outras deportistas paralímpicas, fíxoo tamén sobre o tandem na proba de ciclismo e, finalmente na carreira a pé.
Na liña de meta chegaron por detrás, a 3:56, o dúo de triatletas conformado pola deportista italiana Anna Barbaro e a súa guía Charlotte Bonin, que se fixeron así coa medalla de prata. Na terceira posición, 4:30 de Susana Rodríguez, acadaba o bronce a francesa Annouck Curzillat que tiña por deportista de apoio a Celine Bousrez.
🥇 #GaliciaOlímpica 🏊♀️🚴♀️🏃♀️ #Tríatlon PTVI
🔹 #SORRISO🔹
Tras recibir a medalla de ouro, recompensa ao traballo feito, @SuRGAcio e Sara Loehr posaban así de sorrintes.
📸EFE pic.twitter.com/52MPFDlKRM— fundaciondeportegalego (@fdeportegal) August 29, 2021
Con moi pouco tempo de recuperación logo de afrontar toda unha proba de tríatlon en condicións de calor e humidade complicadas, Susana Rodríguez Gacio plantáballe cara aos 1.500 m T11 co tamén galego Celso Comesaña como deportista de apoio. E conseguiu diploma! Foi quinta cun tempo de 4:52.67.
Foi a final máis rápida dos 1.500m da historia duns Xogos Paralímpicos. A mexicana Mónica Oliva Saavedra, ouro, tumbou o récord do mundo cun crono de 4:37.40.
🏃♀️ #GaliciaOlímpica
Quinto posto e Diploma paralímpico para @SuRGAcio e @CelsoComesana na final do 1.500m T11 de #Tokyo2020 cun tempo de 4:52.67.
A final foi a máis rápida da historia. A mexicana Mónica Oliva Saavedra, ouro, bateu o récord do mundo cun crono de 4:37.40!
📸EFE pic.twitter.com/uHjW2JXUyW— fundaciondeportegalego (@fdeportegal) August 30, 2021
Desirée Vila, diploma en salto
A galega de Gondomar, Desirée Vila, competía en atletismo en dúas modalidades: o salto de lonxitude e os 100m. En ambos os dous casos na categoría T63.
A deportista galega acadou o sexto lugar na competición de salto de lonxitude T63 cun mellor salto de 4.02 m. A súa competición foi: 3.99, 3.83m, 4:00m, 3.81m, 4.02m e 3.59m.
🏃♀️👟 #GaliciaOlímpica
Así é un salto de @desivila98 #Tokyo2020
FOTO 📸 EFE pic.twitter.com/D1WsDKOdZt— fundaciondeportegalego (@fdeportegal) September 3, 2021
Desirée Vila quería mellorar a súa marca persoal nestes Xogos pero non puido ser. Se cadra por iso a deportista non remataba de estar satisfeita da súa actuación neste concurso. Amosaba así, con bágoas nos ollos as súas sensacións logo da competición de salto.
🏃♀️ @desivila98 foi sexta en salto de lonxitude e diploma @Paralimpicos‼️
☺️ Bágoas de emoción nos seus ollos‼️
🎙️”Estou moi contenta e tamén amolada porque quixen facelo mellor. Pero estou contenta por todo o apoio, as mensaxes…grazas a todos” 👏👏👏 pic.twitter.com/YJOGywhvuN
— En Xogo tvG2 (@EnXogo_tvG2) September 2, 2021
Pola contra, nos 100m T63, Desi Vila non conseguía meterse na final paralímpica, quedaba sen diploma pero si que batía a súa mellor marca. A velocista galega remataba a súa quenda no sétimo lugar cun tempo de 16.84.
🏃♀️ #GaliciaOlímpica
Nos 100M T63, a velocista galega @desivila98 rematou a súa quenda no 7º lugar cun tempo de 16.84 conseguindo unha das súas metas en #Tookyo2020 que era mellorar a súa marca persoal.
Con todo, non puido meterse na final.
📸 EFEhttps://t.co/R1Yq4AWYcF pic.twitter.com/hak2coytXZ— fundaciondeportegalego (@fdeportegal) September 4, 2021
Diploma para Vicky Alonso no baloncesto en cadeira de rodas
Desde terras viguesas a xogadora Vicky Alonso foi parte integrante da Selección Española de baloncesto en cadeira de rodas que acadou o seu pase a cuartos de final e con iso adxudicouse un diploma paralímpico, o terceiro dos acadados polas deportistas galegas. Desta volta, non deporte de equipo que Vicky Alonso leva anos practicando.
🏀 #GaliciaOlímpica
Alemaña foi superior a España nos cuartos de final (57-33). O resultado por parciais foi: 16-13 / 8-6 / 19-5 e 14-9.
🗓️ O seguinte partido das españolas será polo 7º posto o xoves 2 de setembro ás 8:00 h.
▶️Consulta as estatísticas👇https://t.co/n7RmpGaunW pic.twitter.com/GQFAa0teP9— fundaciondeportegalego (@fdeportegal) August 31, 2021
