O Real Club de Golf da Coruña acolleu ao longo da semana o Campionato de España Individual, deixando como campioa á madrileña Cayetana Fernández. Na derradeira xornada, tres golfistas galegas lograron a clasificación: Alba González, Marta García e Beatriz Mosquera.
Alba González, do Mondariz, realizou unha gran actuación no último día de competición, igualando o par do campo (72) e clasificándose na undécima posición. Pola súa parte, Marta García, do Aeroclub de Vigo, fixo 73, quedando na 36ª praza. A terceira golfista galega, Beatriz Mosquera, do club anfitrión, fixo 82 golpes quedando 71ª.
O trofeo marchou a Madrid en mans de Cayetana Fernández, partindo como líder na primeira xornada, pero tendo que pelexar polo título ata a última.
A xogadora proclamouse gañadora do III Memorial Emma Villacieros no primeiro buraco de desempate. A navarra Elena Hualde estivo rozándolle os talóns ata os últimos buracos, quedando finalmente na segunda posición.
