A Selección Española de baloncesto está a preparar xa a súa participación nos Xogos Olímpicos de Toquio 2021 e o fai con tres galegas nas súas filas. Raquel Carrera, Tamara Abalde e Paula Ginzo entran na convocatoria de Lucas Mondelo. As vermellas xogarán un amigable ante Francia este xoves, ás 22:00 horas.
O equipo das españolas desfrutou dun descanso tras competir no EuroBasket de Valencia e desde este martes preprara no parqué do Martín Carpena de Málaga a cita olímpica.
O seleccionador declarou á Federación Española de Baloncesto que viu “ben ao equipo. Empezamos coa ilusión de afrontar un novo reto, unha nova oportunidade. Temos a capacidade de poder dar algunha sorpresa. Xa incorporamos a Alba e Astou virá a semana que vén. A Toquio iremos co equipo feito e con moita ilusión. Vin á xente con moita enerxía. Teño moita esperanza porque o traballo está aí”.
Lucas Mondelo: “Empezamos coa ilusión de afrontar un novo reto, unha nova oportunidade”
A convocatoria da Selección
A concentración deu comezo este luns, cun grupo formado por 12+2 xogadoras, coas competidoras do torneo europeo e a reincorporación de Alba Torrens e Tamara Abalde, tras superar a COVID-19.
| NOME | ALTURA | IDADE | CLUB | POSTO | INTER. | |
| 6. Silvia Domínguez | 1,68 | 34 | Perfumerías Avenida | Base | 191 | |
| 5. Cristina Ouviña | 1,73 | 29 | Valencia Basket | Base | 92 | |
| 9. Laia Palau | 1,80 | 41 | Spar Girona | Base | 308 | |
| 12. Maite Cazorla | 1,78 | 24 | Perfumerías Avenida | Base-escolta | 11 | |
| 18. Queralt Casas | 1,77 | 28 | Valencia Basket | Escolta | 70 | |
| 11. Leo Rodríguez | 1,80 | 29 | Perfumerías Avenida | Escolta | 89 | |
| 22. María Conde | 1,86 | 24 | USK Praga (RCH) | Alero | 38 | |
| 33. Laura Quevedo | 1,84 | 25 | Movistar Estudiantes | Alero | 33 | |
| 7. Alba Torrens | 1,90 | 31 | UMMC Ekaterimburgo (RUS) | Alero | 175 | |
| 14. Raquel Carrera | 1,88 | 19 | Valencia Basket | Ala-Pívot | 11 | |
| 24. Laura Gil | 1,91 | 29 | Valencia Basket | Ala-pívot | 127 | |
| 20. Paula Ginzo | 1,91 | 23 | Lointek Gernika | Ala-pívot | 13 | |
| 13. Tamara Abalde | 1,90 | 32 | Durán M. Ensino | Pívot | 62 | |
| 45. Astou Ndour | 1,96 | 26 | Hatay BB (TUR) | Pívot | 71 | |
Os amigables das vermellas
Antes de viaxar a terras niponas, a Selección disputará no Martín Carpena o primeiro encontro de preparación ante Francia, este xoves, 8 de xullo, ás 22:00 horas, no estreo español en Málaga.
Esta será a terceira vez que os dous equipos se enfrontan neste ano, xa que ambos xogaron as finais de maio en Toulouse nos amigables de preparación para o EuroBasket.
Dous días máis tarde, o sábado 10 de xullo, as vermellas xogarán de novo ante as galas, desta vez ás 17:30 horas. Desta vez o encontro terá lugar no AccoHotels Arena de París. Ambos partidos retransmitiranse en directo vía Teledeporte.
A Selección traballará unha semana máis en Madrid antes de partir destino Xapón.
