As futbolistas galegas Silvia Aguete (ENCE Marín Futsal), Luci Gómez (Poio Pescamar) e Vane Sotelo (Futsi Atlético Navalcarnero) están na lista de xogadoras convocadas por Clàudia Pons para formar parte da Selección Española absoluta feminina de fútbol sala que se concentra do 25 ao 29 de setembro en Las Rozas. Tamén están as deportistas do Pescados Rubén Burela: Peque, Dany e Irene Samper.
Clàudia Pons fixo pública a lista de futbolistas convocadas para o adestramentos que a Selección Española de futsalfem realizará do 25 ao 29 de setembro en Las Rozas. Trátase dunha concentración previa a la Fase de Clasificación do próximo Europeo que a vixente campioa continental disputará o próximo mes de outubro en Finlandia.
As xogadoras convocadas pola seleccionadora Clàudia Pons realizarán adestramentos a partir do domingo 25 de setembro na tarde e un partido amigable contra o conxunto do Ciudad de Móstoles cadete masculino previsto para o mércores 28 de setembro a partir das 19.00 horas.
A seguinte convocatoria será xa para disputar a Fase de Clasificación del Europeo que medirá á Selección Española de futsalfem aos combinados de Bélgica, Suecia e Finlandia neste último país cun billete para a Fase Final en xogo.
Cáense da lista de Clàudia Pons con respecto á anterior convocatoria as galegas:
- Ale de Paz (ENCE Marín Futsal)
- Jenny Lores (Ourense Envialia FSF)
- Antía Pérez (Pescados Rubén Burela)
ESTA É A LISTA DE FUTBOLISTAS QUE CONFORMAN A CONVOCATORIA DE CLÀUDIA PONS PARA A SELECCIÓN ESPAÑOLA
| Marta Balbuena Navas MARTA | Futsi Atlético Navalcarnero |
| Silvia Aguete Outón SILVIA | Ence Marín Futsal |
| Noelia Montoro Susarte NOELIA | STV Roldán |
| Maria Teresa Mateo González MAYTE | STV Roldán |
| Laura Córdoba Monedero LAURA | Futsi Atlético Navalcarnero |
| Ana Sevilla Luján ANA LUJÁN | Futsi Atlético Navalcarnero |
| Irene Samper Bilbao IRENE | Pescados Rubén Burela |
| Patricia González Mota PEQUE | Pescados Rubén Burela |
| María Sanz Navarro MARÍA SANZ | Futsi Atlético Navalcarnero |
| Lucía Gómez González LUCI | Poio Pescamar |
| Ana Pino Cabrera ANA | LBTL Futsal Alcantarilla |
| Irene Córdoba Monedero IRENE | Futsi Atlético Navalcarnero |
| Vanessa Sotelo Quintela VANESSA SOTELO | Futsi Atlético Navalcarnero |
| Daniela Domingos Lopes DANY | Pescados Rubén Burela |
