A Selección Galega acudirá ao Campionato de España BTT XCO/XCE/TR con trece ciclistas, tres delas mulleres. O torneo contará coa presenza de Laura Mira, Sofía Álvarez e Lara Lois e desenvolverase en Sabiñánigo do 9 ao 11 de xullo.
A Federación Galega de Ciclismo cita a Laura Mira, do Avanza A.D. e a Sofía Álvarez, do Cambre C.C., para as probas en categoría júnior e a Lara Lois, do Extol MTB Team, para a competición elite.
O torneo dará comezo o venres a partir das 18:00 horas, coa proba Team Relay por seleccións autonómicas, con Lara Lois formando equipo da Selección Galega con Miguel Rodríguez, Andrés Valcárcel e Jorge Punzón.
Ao día seguinte, disputaranse na xornada de mañá as carreiras de Cross Countri Olímpico das categorías masculinas másters e sub23, e pola tarde será o Campionato de España de Cross Country Eliminator, ás 19:00 horas.
Finalmente, a xornada de clausura terá lugar na matinal do domingo, e celebrará o XCO coa loita por todos os títulos femininos, coa presenza das ciclistas da Selección Galega, e as coroas estatais júnior e elite.
Podes consultar toda a información do campionato na web da Real Federación Española de Ciclismo.
