O última xornada do ano na Segunda Federación rematou coa derrota do Dépor ABANCA `B´ ante o Burgos C.F. por 1-0. Tampouco o Atlético Villalonga foi capaz de lograr a vitoria ante o Real Avilés Industrial, que se impuxo 3-0 no marcador. Tan só o RC Celta de Vigo conseguiu sumar, acadando o empate 1-1 ante o Real Sporting de Gijón.
As Celtas comenzarán o 2026 no terceiro lugar da clasificación, con 28 puntos, mentres que o Dépor ABANCA terá que conformarse cunha amarga 9ª posición, con 15 puntos.
A peor parte entre os cadros galegos da Segunda Federación é para o Atlético Villalonga FF, que a estas alturas do curso se sitúa no último lugar da táboa, con tan só 5 puntos sumados en 13 partidos disputados, unha situación que fai peligrar a categoría para do conxunto pontevedrés.
Nova derrota para o Dépor ABANCA B
O Dépor ABANCA `B´, non conseguiu impoñerse ante o Burgos C.F. e rematou a xornada 13 cunha nova derrota (1-0), a sétima no que vai de curso.
Un gol anotado por Ángela Moreno no 65´, negoulle ao conxunto galego todas as opcións de pechar o ano da mellor maneira.
O equipo dirixido por Alessandro Nogueira parece non dar coa clave para superar a media táboa e sacar o máximo rendemento cunha plantilla realmente talentosa que non consigue brillar, pese a non deixar de intentalo.
As coruñesas terán que medirse ao Atlético de Madrid `C´, en campo rival, o próximo domingo día 11 de xaneiro. Unha nova oportunidade para darlle un xiro á tempada e escalar postos na clasificación.
FICHA TÉCNICA:
0) DEPORTIVO ABANCA `B´: Antía Veiga, Sara Barreda, Noe Mayo, Michi Apóstol, Carmen Carballada, Marta Rico, Lucía Rivas, Sonsoles, Lucía Mariño, Valbuena e Yanis Citoula.
1) BURGOS C.F.: Neike Barga, Mónica Barreiro, Estefanía Romero, Cristina López, Ángela Moreno, Andrea González, Aitana Muñoz, Catalina María Roselló, Irene Mateo, Ane Huazhi Alonso e Rebeca Cuesta.
EQUIPO ARBITRAL: Alejandro Castro Alarcón, Natalia Edith Pereyra e Xabier Saratxo Fernández
INCIDENCIAS: Partido correspondente á 13ª xornada da Segunda Federación Femenina, disputado na Cidade Deportiva de Abegondo.
Ver esta publicación en Instagram
Futuro escuro para o Villalonga na 2.ª Federación
O Atlético Villalonga perdeu por 3-0 no partido que o enfrontaba ao Real Avilés Industrial. Un novo revés para o conxunto galego que lle complica aínda máis as cousas na loita por salvar a categoría.
O equipo adestrado por Romina Dadín sitúase no último posto da clasificación e os seus números son pouco esperanzadores. Só lograron unha vitoria no que vai de tempada e acumulan apenas 5 puntos.
Estes rexistros convértenas en firmes candidatas ao descenso, salvo que se produza un xiro de guión drástico nas vindeiras xornadas.
O seu próximo partido será fronte ao Real Racing Club de Santander, o domingo 11 de xaneiro, no campo Novo San Pedro de Sanxenxo.
FICHA TÉCNICA:
3) REAL AVILÉS INDUSTRIAL: Elena Caso, Cristina Mnenéndez, Goretti Neira, Elizabeth Rodríguez, Paula Martínez, Amaya Midnight Coleman, Daniela González, Lucía Ayuso, Mirdja Rodríguez, Sara Randez e Nuria Torres.
0) ATLÉTICO VILLALONGA FF: Nerea Bermudo, Eva Valverde, Iria Otero, Noelia Pedreira, Sara García, Candela Otero, Noa Santomé, Ángela Novas, Lucía Pérez, Syria Rosignoli e Paula Sanmartín.
EQUIPO ARBITRAL: Elena Labra Fernández, Paula Suárez Fernández e Candela Fernández Rodríguez.
INCIDENCIAS: Partido correspondente á 13ª xornada da Segunda Federación Femenina, disputado no Complejo Deportivo La Toba.
Ver esta publicación en Instagram
As Celtas asinan o empate
As Celtas tiveron que conformarse cun empate 1-1 no encontro que as enfrontaba ao Real Sporting de Gijón. Os goles de Nara Fernández para o conxunto celeste, e o de María González para as asturianas, igualaron o marcador na última xornada do 2025.
As viguesas, que son terceiras no podio da clasificación, están a realizar unha boa tempada que podería verse empañada tras os últimos resultados acadados, que lles impediron sumar os tres puntos.
Mediranse ao Athletic Club `B´ en Lezama o vindeiro domingo 11 de xaneiro, nun partido realmente complicado tendo en conta que as vascas lideran a clasificación con 31 puntos, pese á derrota sufrida no último partido contra o Racing de Santander 1-0.
Unha vitoria contra o Athletic Club podería supoñer unha inxección de enerxía para as olívicas, que acumulan ata o de agora 29 puntos, e a estas alturas do curso aínda teñen opcións de facerse co título ligueiro, xa que só 3 as separan do líder da táboa.
Ver esta publicación en Instagram
FICHA TÉCNICA:
1) RC CELTA DE VIGO: Naiara Martínez, Aitana Sánchez, Paula Jimena, Tatiana Barcia, Tatiana Cruz, Ana Toubes, Estela Castro, Nara Fernández, Sara Álvarez, Nerea González e Celia Fontecha.
1)REAL SPORTING DE GIJÓN: Alba Fuertes, Yaiza Cernuda, Rosa Menéndez, Abril Pazos, Nuria Cueto, Laura Testa, Natalia Sobero, Alba Andreu, Ángela Martínez, Sandra del Corral e María González.
EQUIPO ARBITRAL: Sergio Arriondas Fernández, Adrián Díaz González e Carla Rodríguez Rodríguez.
INCIDENCIAS: Partido correspondente á 13ª xornada da Segunda Federación Femenina, disputado no campo de A Madroa, en Vigo.
RESULTADOS DA XORNADA SEGUNDA FEDERACIÓN FEMENINA. GRUPO 1.
- RC DEPORTIVO ABANCA `B´ – BURGOS CF 0-1
- SD EIBAR `B´ – OLÍMPICO DE LEÓN 2-0
- REAL AVILÉS INDUSTRIAL – ATLÉTICO VILLALONGA FF 3-0
- RC CELTA DE VIGO – REAL SPORTING DE GIJÓN 1-1
- MADRID CF FEMENINO `B´ – REAL SOCIEDAD DE FÚTBOL`B´ 0-5
- REAL RACING CLUB DE SANTANDER – ATHLETIC CLUB `B´ 1-0
- BIZKERRE CLUB – CLUB ATLÉTICO DE MADRID `C´ 1-2
