Ata 29 deportistas coruñesas individuais recibirán este ano unha subvención para a súa práctica deportiva. O Concello da Coruña destinou unha partida de 122.500 euros a axudas económicas para atletas da cidade que destacasen na súa área deportiva. A finalidade desta beca é a de apoiar e promover o deporte na cidade e acadar logros deportivos para A Coruña.
En total, sumando aos coruñeses aos que tamén se lles outorgou esta axuda, o número de deportistas ascende a 65, de vinte especialidades distintas, aínda que solo en once delas participan mulleres.
Delas, destaca a halterofilia, nas que nove atletas contan con diferentes cantidades de subvención. Algunhas das máis destacadas nesta área foron Irene Blanco e Irene Martínez (2.500€), que lograron varias medallas e bateron récords no torneo estatal absoluto. Blanco é ademais a atleta feminina que percibe unha cantidade maior da subvención, con 3.500 euros.
As halteras galegas brillan no Campionato de España Absoluto celebrado na Coruña
Pola súa banda, Paula Canedo (1.500€), Lucía López (1.500€) e Vega García (1.500€), veñen de participar no Campeonato de España sub15 e sub17. Tamén recibirán axudas neste deporte Dariana Abigail Arancibia (1.500€), Ruth Fuentefría (2.500€), Ángeles Hernández (1.500€) e Jennifer Tocuyo (1.500€).
Tamén ten moita representación a ximnasia rítmica, con axudas para Lara Brandariz, Blanca Antelo, Leila González, Laura Morano, Lucía Santos e Lucía María Suárez.
Outras áreas nas que compiten as becadas son ximnasia artística (Paula López e Daniela Álvarez), natación (Ariadna Alcalde e Paula Otero), vela (Coca Quian Delgado, Claudia Díaz e Carmen Solórzano), esgrima (Lua Gomirato e Elisa Martínez), jiujitsu (Rebeca Garrán), surf (Lola Bermúdez de Castro), judo (Belén Ferreiro), atletismo (Carmen Sánchez) e bádminton (Laura Santos).
A maioría delas percibiu unha axuda de 1.500 euros, enmarcada nas becas para participar en campeonatos estatais. As bolsas varían en cuantía e vano dos 5.000 aos 500 euros. O listado completo de deportistas premiados con esta beca pode consultarse na seguinte ligazón.
Un total de 122.000 euros en bolsas a deportistas
A concelleira coruñesa de Deportes, Mónica Martínez, explicou que o orzamento inicial era de 60.000 euros pero, ante a “elevada demanda de bolsas”, o total ampliouse ata superar a barreira dos 122.000.
Estas cantidades dividíronse en cinco categorías de becas distintas. As máis cuantitativas foron para os deportistas individuais con opcións de participar nos Xogos Olímpicos o Paraolímpicos. No terceiro lugar, estaban as axudas para aqueles deportistas que poden participar en campionatos mundiais. Seguidamente están as competicións de carácter europeo e as de ámbito estatal. No último lugar, os campionatos autonómicos que se desenvolven en territorio galego. Así, as cantidades ás que podían acceder os deportistas varían dos 500 aos 5.000 euros.
Rumbo a Tokio 2021
Estas últimas as recibiron cinco deportistas masculinos de diferentes disciplinas para o seu camiño a Tokio 2021. Concretamente foron, Víctor Castro Mariño na especialidade de halterofilia; o judoka Alberto Gaitero Martín, o nadador Jacobo Garrido Brun, o boxeador Enmanuel Reyes Pla, e Alberto Seoane Alcaraz, na especialidade de tenis de mesa.
