A concelleira de Deportes do Concello da Coruña, Mónica Martínez, participou na presentación da XXV edición do Rallye da Coruña que terá lugar os días 28, 29 e 30 de maio. A proba reunirá un total de 153 pilotos entre os que figuran pilotos e copilotos femininas. Trátase dun récord de participación. Entre os vehículos inscritos hai dous equipos íntegramente femininos que participarán na Copa Open Gadis e máis dunha vintena de copilotos mulleres.
Tres son as principais persoas aspirantes á vitoria, Víctor Senra, Iago Caamaño e Alberto Meira. A cita automobilística, organizada pola escuadra One Seven, é o arranque do Campionato Galego.
/ NACHO CARBALLEIRA – RALLYE DA CORUÑA.COM
A responsable de Deportes do Concello da Coruña destacou as ganas de asfalto e competición que se viven na cidade cunha proba que retorna despois dun ano moi complicado. Mónica Martínez apuntou que o rallye discorrerá de novo por chan herculino cun esquema renovado. A cidade será de novo a protagonista e a proba contará cun novo percorrido. “Un dos atractivos desta proba é sen dúbida a recuperación dun treito urbano, que percorrerá case tres quilómetros pola zona do parque de Bens. Este será o treito co que remate a carreira, e oxalá sexa decisivo para aumentar a emoción da proba”, confirmou.
Mónica Martínez, conselleira e Deportes da Coruña: “Un dos atractivos desta proba é sen dúbida a recuperación dun treito urbano, que percorrerá case tres quilómetros pola zona do parque de Bens. Este será o treito co que remate a carreira, e oxalá sexa decisivo para aumentar a emoción da proba”
A Coruña é, dixo, un referente na cultura deportiva e tras este gran parón que supuxo a pandemia, regresamos con novos retos e probas, con iniciativas que fomenten a afección: “sabemos que moitas coruñesas e moitos coruñeses agardan con ilusión esta data. Os/as pilotos/as, a organización e o Concello aínda máis porque o feito de que se poida celebrar confírmanos que nos estamos a recuperar pouco a pouco”.
Mónica Martínez subliñou a repercusión que teñen os rallyes na nosa comunidade e o público que moven. “As ganas de carreiras non son só para as e so pilotos, tamén para a afección e, por iso, desde o Concello non deixaremos de apoiar todas as prácticas deportivas. pero nesta ocasión pedimos encarecidamente responsabilidade”, sinalou.
E lembrou que, tal e como sinalou a alcaldesa da Coruña, Inés Rey, aínda que a situación mellora, non se pode esquecer que estamos en pandemia e con moitas restricións. “Cremos que a saúde é o máis importante porque é un elemento determinante da calidade de vida polo que pedimos moita prudencia para evitar aglomeracións”, dixo a concelleira.
Por último, a concelleira animou a cidadanía a situarse na liña de saída “xa que de aquí en diante quédannos moitas citas deportivas que disputar. A Coruña respira deporte e este venres toca gozar, iso si, con sentidiño”.
Mónica Martínez, conselleira e Deportes da Coruña: “Xa que de aquí en diante quédannos moitas citas deportivas que disputar. A Coruña respira deporte e este venres toca gozar, iso si, con sentidiño”
Pola súa banda, o responsable da escuadra One Seven, Álvaro Muñiz, agradeceulle ao Concello o seu apoio e asegurou que durante a proba se tomarán todas as medidas para garantir a seguridade. Muñiz confirmou que nos vindeiros días se fará público o acto simbólico que substituirá a tradicional saída no Parrote.
Dous equipos integramente femininos no rallye
Entre as mulleres inscritas figuran as parellas conformadas por Leticia López Rivas (piloto dorsal 71) e María Martínez González (copiloto), e Ruth Ortega Macías (piloto dorsal 72) e Esther Gutiérrez Porras (copiloto), no primeiro caso conducen un Peugout 107 e no seguno un Peugout 206 XS, os dous vehículos compiten pola escudaría Melmac Rally Factory.
Os dous equipos son íntegramente femininos xa que as asistencias corren por conta e Sandra Vázquez Soto no primero coche e e Nadia Dono Cornide no segundo. Partincipan na Copa Open Gadis Donas e no Trofeo Volante F.G.A. PXP 21.
Tamén figuran como copilotos: Raquel Rodríguez Triñanes, Sara Fernández Palazuelos, Nuria Rebollido Castro, Carmen González Montenegro, Yadira de Diego Gómez, Bárbara Gómez Oubel, Tamara Díaz Allegue, Lucía González González, María Aelaida Porta Pérez, Enma Santos Vidal, Lara Gómez Rodríguez, Elena Fernánez Amor, María Teresa López Hospido, Lucía Pérez López, Rosa Isabel Rivas Núñez, Berta Pan Cambón, Vanessa Monterroso Manteiga, Jessica Piñeiro Castro, Cristina Torres Pintos, Mara Pellón Andrade, Lorena Maroño Souto, Puala Vázquez Salgado,
