Mañá, domingo 21 de maio realízase a X Carreira Popular dos Rosales, terceira cita da décima edición do circuíto de carreiras populares Coruña Corre. Tras o peche da inscrición hai máis de 2.200 corredores e corredoras que poderán participar nesta proba. Deles, 1.741 están inscritos na totalidade do circuíto e non precisan retirar os seus dorsais para esta carreira.
Os dorsais e os chips da proba estarán a disposición dos corredores e corredoras este sábado, de 11.00 a 20.30 horas, no polideportivo municipal dos Rosales. Tamén se poderán recoller no mesmo lugar o día da carreira ata media hora antes do inicio de cada competición.
👟 Máis de 2205 persoas correrán este domingo nos Rosales!
Lembrámosvos que podedes realizar a recollida de dorsais no Polideportivo Municipal dos Rosales nas seguintes datas e horarios⤵️
📅 Sábado 20 de maio, de 11:30 a 20:30 horas.
📅 Domingo 21 de maio, desde as 9:00 horas. pic.twitter.com/VJpv0HjhUU— A Coruña Deportes (@coruna_deportes) May 19, 2023
A proba absoluta comezará ás 10.00 horas na rúa Manuel Azaña, xunto á praza Elíptica. O percorrido pasará pola propia praza e Manuel Azaña ata Labañou, onde as persoas participantes irán cara ao paseo marítimo en dirección ao Portiño. A segunda parte do circuíto irá en dirección á estrada Fontes do Monte de San Pedro e volverá a Manuel Azaña dende a rúa Castelao.
Ademais da proba absoluta haberá, como é habitual, outras seis carreiras de categorías inferiores cun percorrido más curto. Os dorsais da proba deberanse recoller o sábado 20 de maio, de 11.30 a 20.30 horas e o domingo 21 de maio, desde as 09.00 horas e ata o momento da saída da proba correspondente, no Polideportivo Municipal dos Rosales. Ademais, para a categoría ‘peques’ será necesario recoller pulseiras identificativas no mesmo lugar e horario que os dorsais.
👟 Mañá terá lugar a X Carreira Popular Os Rosales, terceira proba do circuíto #CoruñaCorre.
🚗 Cortarase o tráfico entre as 07:00 horas e as 14:00 horas no tramo final da rúa Manuel Azaña, onde estará situada a zona de saída e meta.
ℹ️ Toda a info: https://t.co/vc8pSaMoTd pic.twitter.com/ambYPRgYX1
— A Coruña Deportes (@coruna_deportes) May 20, 2023
Haberá un servizo de duchas no Polideportivo Municipal dos Rosales de 10.30 a 13.00 horas e outro de gardarroupa, de 9.00 a 11.30 horas no mesmo espazo. Proporcionaráselles auga e avituallamento sólido a todas as persoas participantes na chegada á meta. A entrega de premios terá lugar a partir das 12.30 horas na praza Elíptica.
Incidencias no tráfico co gallo da carreira dos Rosales
A décima edición da Carreira Popular Os Rosales conta cun dispositivo especial de tráfico para garantir a seguridade de participantes e persoas condutoras. Principalmente, cortarase o tráfico entre as 07.00 horas e as 14.00 horas no tramo final da rúa Manuel Azaña, no tramo que dá acceso á praza Elíptica, onde estarán situadas a saída e a meta da proba. Nesa zona estará prohibido o estacionamento desde a medianoite do sábado 20 ao domingo 21 de maio.
Os/as veciños/as dos Rosales terán acceso e saída da zona, aínda que con cortes breves. Recoméndaselles ás persoas residentes na contorna da Praza Elíptica que saian do barrio pola Estrada dos Fortes. Entre as 09.30 e as 11.00 horas pecharase ao tráfico o circuíto, que se irá abrindo ao paso da carreira. Así, o tramo da rolda de Outeiro entre a avenida de Labañou e o Paseo Marítimo, por onde discorre a proba absoluta, quedará aberto, previsiblemente, ás 10.15 horas e o paseo marítimo, no tramo comprendido entre Labañou e O Portiño, abrirase cara ás 10.45 horas aproximadamente.
Desde as 11.00 horas ás 13.00 horas cortarase Manuel Azaña desde as rúas Rodríguez Castelao e Suárez Ferrín. Ás persoas usuarias dos garaxes da rúa Alcalde Suárez Ferrín pídeselles que eviten saír cos seus vehículos deses estacionamentos o domingo entre as 9.30 e as 13.00 horas
