A labor formativa desempeña un papel extraordinariamente importante dentro da Federación Galega de Fútbol (RFGF), e por extensión no fútbol galego. A Escola Galega de Adestradores é unha case como unha universidade do fútbol, e cada ano son centos os alumnos que pasan polas súas mans.
Na Escola Galega de Adestradores están as persoas que forman as nosas futbolistas. Segundo explican desde a RFGF “a preocupación do departamento que dirixe Ivan Cancela é que estean o mellor preparadas posible e que esa formación que cada técnica/o imparte en cada recuncho de Galicia teña as máis amplas garantías e que estea avalada por unha formación de calidade cun título acreditativo da mesma”.
Convocaranse cursos para adestradora de porteiras
Un amplo equipo composto por prestixiosas/os profesores repartidos por toda Galicia “preocúpase de que todo estea listo para dar comezo ao curso escolar”, aseguran desde a RFGF. O curso ponse en marcha co comezo dos 22 cursos de primeiro nivel, onde máis de 350 alumnos comezan as clases nas distintas delegacións que a Escola ten por toda Galicia.
Técnicas/os, preparadoras/es físicas/os, psicóloga/os, médicas/os, árbitras/os… Un elenco de profesionais ao servizo da formación. En vindeiras datas convocaranse outros cursos como o Profesional de Fútbol na Coruña, UEFA C, NACIONAL C de Fútbol Sala e o de Preparador/a de Porteiros, ademáis dalgún outro curso específico.
Bolsas para persoas en desemprego
A Real Federación Galega de Futbol, mediante o Comité Galego de Adestradores, informa de que “aprobou de maneira extraordinaria a Convocatoria de Axudas a entrenadores colexiados no Comité Galego de Adestradores da RFGF que se atopen en situación de desemprego co fin de colaborar nos gastos derivados da inscrición e/ou realización dos cursos de formación para entrenadores impartidos pola Escola de Adestradores da RFGF”.
Segundo explican desde a RFGF, “as axudas aprobadas tiñan unha contía máxima total de 20.000 euros para o ano natural 2021”.
