Rematou un ano moi especial para o atletismo galego, o 2021. O ano do Centenario da Federación Galega de Atletismo e que tivo 365 días cunha chea de novas e acontecementos moi importantes. Entre eles sen dúbida destaca a primeira medalla olímpica lograda polo atletismo galego de mans de Ana Peleteiro cuxo salto de 14.87 m. logrado o día 1 de agosto nos Xogos Olímpicos de Toquio quedará xa enmarcada en lugar preferente na Historia do noso deporte.
Si todo elo parecía producto dun fantástico soño, tan só unhas poucas datas despóis escribíase outro dos grandes momentos da nosa historia ao lograr Adi Iglesias a medalla de ouro nos 100 m. e a de prata nos 400 m. nos Xogos Paralímpicos o que representaría a mellor das maneiras posibles de celebrar os 100 anos de constitución da Federación Galega de Atletismo neste 2021.
Paralelamente a estas fantásticas medallas, dous das nosas grandes realidades Adrián Ben e Belén Toimil xunto a Susana Rodríguez e Gustavo Nieves no equipo paralímpico, acudían a esas mesmas citas logo de encabezar os rankings de España tanto nos 800 m. como no concurso de peso respectivamente no que ademáis Belén Toimil lograba un marabilloso récord nacional con eses 18.80 m. Mención especial ten a presenza da xuiza Dolores Rojas nestes Xogos Olímpìcos cuxa actuación representan a súa terceira designación olímpica (Atenas, Londres e Tokio).
Cardama, Leticia Gil, Jean Marie Okutu… a lista de atletas destacas segue
Non nos esquecemos da gran tempada de Carmela Cardama plasmada nesos resultados e na súa primeira posición no ránking dos 10.000 m. e segunda nos 5.000 m. A súa gran actuación no 2021 ven acompañada polos excelentes rexistros no concurso de lonxitude na que tanto Jean Marie Okutu como Leticia Gil continuán ocupando postos importantes na súa modalidade, ao igual que Saleta Fernández en altura e a as xavelinistas Lidia Parada e Carmen Sánchez sen esquecer a Tariku Novales nas probas de ruta.
A marcha sigue deparando alegrías ao noso atletismo. Antía Chamosa lograba outro dos grandes momentos da tempada ao acadar o bronce no Campionato de Europa Sub23 de Tallin, destacando tamén neste sector Daniel Chamosa, Carmen Escaríz e Juan Manuel Morales neses postos de honra do ránking nacional absoluto.
As categorías inferiores veñen pisando forte
Non queremos deixar pasar por alto o gran número de atletas que desde as categorías Sub23 ata a Sub14 continúan ca súa gran progresión e evolución, e no que os concursos afianzan a súa importancia no atletismo galego neste ano que ven de rematar, o 2021 . Nomes como Irene Gómez, Marta Neira, Blanca Pereira e Marta Hermida en martelo, Diauo Diallo e Alba Cuns en triplo; Xiana Lago en peso; Antía Otero, Nuno Castro, Ivanna Carolina Román e Paula Piñón en xavelina, comezan e continúan dando alegrías ao noso deporte a nivel nacional e mesmo internacional.
Non menos importante son tamén os numerosos talentos emerxentes nas distintas probas que revitalizan e actualizan modalidades como o caso de Belén García e David Vicente nos valos, Jacobo Soler nos 400 m., ou de Ainhoa Reparaz e Antía Pernas nos 100 m.
E o atletismo máster tamén tivo o seu ano no 2021
O deporte máster tamén tivo no ano 2021 unha destacada actualidade e presencia nos distintos Medios de Comunicación. Sen lugar a dúbidas este foi o ano de Pepín Rioseco e de Esther Pedrosa entre os cales lograban sumar nada menos que un total de ¡dez récords do mundo! convertíndose nos dous grandes referentes europeos e mundiais do ano nas súas categorías.
Hai futuro da man da base do atletismo galego
Un fututo moi ilusionante está por vir da man de xovencísimas atletas cun talento innato e excepcional que dan mostras día a día da súa gran calidade. Xela Martínez é o gran estandarte desta nova xeración que ven con moita forza e onde xunto á lucense atópande, entre outros, atletas da calidade de Alex Sierpes, Sabela Castelo, Antía Otero, Nuno Castro ou Aleksandra Kostenko marchadora esta última que conta con todo o noso apoio e forza de cara a solucionar a súa estancia definitiva no noso país.
Xuízas, adestradoras e directivas
Todo este talento reflexado e cuantificado en marcas e postos durante o ano 2021 ten como máximos artífices a todos e a cada un das adestradoras e adestradores cuxo traballo, adicación, constancia e sacrificio, moitísimas veces (máis das desexadas) en precario tanto en recursos como en medios, dan sentido a este deporte.
Por que o deporte son as persoas deportistas, pero tamén outras moitas que fan posibles as competicións e o día a día dos adestramentos e práctica deportiva máis aló das marcas, o deporte como ferramenta para contar con hábitos de vida saudables.
Ós clubs e directivos, grazas ao seu importante papel de facilitadores, organizadores e responsables no apartado competitivo, xunto ao Comité Galego de Xuíces, sempre en continúa formación, innovación e duro traballo nun deporte en continúa evolución, fai que podamos mirar con optimismo, sen caer en conformismos nin baixando o nivel de esixencia, cara un futuro esperanzador e ilusionante.
Rematado o 2021, o atletismo galego xa está listo para ir a polo 2022 coas mesmas ganas e intensidade. Imos logo!
1. Ránking de atletas galegxs no estatal 2021 categorías Sub-23 e Sub-20 aire libre e ruta / ATLETISMO GALEGO
Ránking de atletas galegxs no estatal 2021 categorías Sub-23 e Sub-20 aire libre e ruta / ATLETISMO GALEGO
2. Ránking de atletas galegxs no estatal 2021 categorías Sub-18 e Sub-16 aire libre e ruta / ATLETISMO GALEGO
Ránking de atletas galegxs no estatal 2021 categorías Sub-18 e Sub-16 aire libre e ruta / ATLETISMO GALEGO
3. Ránking de atletas galegxs no estatal 2021 categoría Sub-14 aire libre e ruta / ATLETISMO GALEGO
4. Ránking de atletas galegxs no estatal 2021 categoría absoluta aire libre e ruta / ATLETISMO GALEGO
Ránking de atletas galegxs no estatal 2021 categoría absoluta aire libre e ruta / ATLETISMO GALEGO
