Máis de 200 persoas participaron nos actos organizados polo Concello da Coruña con motivo do Día Mundial da Discapacidade, que se celebra mañá sábado 3 de decembro.
A concelleira de Igualdade, Benestar Social e Participación, Yoya Neira, e a concelleira de Deportes, Mónica Martínez destacaron na explanada de Riazor o papel do tecido asociativo da cidade e a implicación do Concello da Coruña a través da oferta de servizos para persoas con diversidade funcional nas diversas áreas.
📢 Máis de 200 persoas gozaron das actividades organizadas polo @ConcelloCoruna polo #DíaDaDiscapacidade.
👏 As concelleiras @YoyaNeira e @mmartinez____ eloxiaron o labor das asociacións da cidade, moitas delas presentes nesta xornada lúdica.
🔗 https://t.co/JAgqa9V36y pic.twitter.com/H4tGwfJW72
— A Coruña Deportes (@coruna_deportes) December 2, 2022
Asistiron 15 asociacións, ás que se lles sumaron os usuarios e usuarias das Escolas Deportivas Municipais. As entidades que participaron nestas actividades deportivas co gallo do Día da Discapacidade foron: ACLAD, ADCOR, Anpanxoga, APEM, Aspanaes, Asperga, Buen Pastor, Casco Mesoiro, Casco Rosales, Aspronaga, San José, Sor Eusebia, Adaceco, Asociación Española contra o Cancro e ONCE.
As persoas que participaron nas actividades deportivas do Día da Discapacidade puideron levar a cabo actividades dirixidas, tales como bailes latinos ou pilates, e deportes como fútbol, baloncesto, bádminton, tenis de mesa, ximnasia rítmica e artística, esgrima, escalada, hóquei ou petanca.
