O CW Santiago viaxou esta fin de semana a Pontevedra para disputar un triplo enfrontamento ante o CW Pontevedra B cun balance dunha vitoria en categoría alevín e dúas derrotas na categoría absoluta feminina da División de Honra e na categoría cadete mixta.
A xornada no CGTD comezou co partido en categoría absoluta feminina, partido moi igualado durante os dous primeiros cuartos pero que rematou con triunfo 11-7 para as locais.
O equipo “B” do CW Pontevedra está composto por xogadoras do CW Pontevedra e CW Pabellón Ourense. As locais tiveron varios erros a nivel colectivo, pero segundo avanzaba o partido foron quen de atoparse máis cómodas na piscina do CGTD e melloraron o seu xogo.
Neste partido, disputado de poder en poder, que chegou ao descanso cun axustado cinco a catro para as lerezanas, un terceiro cuarto onde se obxectivo donde a puntería das visitantes non estivo acertada, distanciaron tres goles as locais, pero as santiaguesas non se rendiron e chegaron a un só gol a falta de cinco minutos para rematar o encontro, pero de novo as pontevedresas estiraron o marcador ata un final de once a sete, demasiado castigo pola igualdade e o visto no partido.
FICHA TÉCNICA:
11) CW PONTEVEDRA: Patri, Uxía (1), María D, Noa D (1), Iria A (4), Noa T, Iria G, Izaskun (2), Andrea F (1), Carmen (1), Ángela, Rocío (1) y Alicia.
7) CW SANTIAGO: Landeira, Pérez, Rey, Sanluis, Collazo (4), Garea, Ordóñez, Ruibal, Guilbert (2), Fernández, Iglesias y Cobas (1).
PARCIAIS: 3-2, 2-2, 3-1, 4-2
Vitoria do alevín mixto do CW Santiago ante o CW Pontevedra
Seguidamente disputouse o encontro de categoría alevín mixta, onde o equipo visitante do CW Santiago foi moi superior ao lerezano e gañou un partido por un cómodo 1-16, destacando o gran xogo de equipo.
Neste segundo partido da tarde debutaba o equipo feminino do CW Pontevedra na Liga Gallega Alevín Mixta. Desde o club pontevedrés consideran que foi o encontro máis importante desta xornada de waterpolo “polo que supón para a promoción e o futuro do equipo feminino. Esta foi a vez primeira que o club do Lérez xoga en liga alevín cun equipo feminino”, explican.
FICHA TÉCNICA:
1) CW PONTEVEDRA: Lara, Iria, Carmen, Luci, Carlota, Avril, Cloe, Noa y Alexandra.
16) CW SANTIAGO: Macías, Vieites, de la Mata, Sotelo, Peña, Odilom, Caamaño, Vlad, Caamaño y González.
PARCIAIS: 0-2; 1-4; 0-1; 0-3; 0-3; 0-3
Triunfo do CW Pontevedra diante do CW Santiago na categoría cadete mixta
Finalmente, disputouse o encontro na categoría cadete mixta, onde ao igual que na absoluta feminina, os santiagueses estiveron no encontro ata o último cuarto no que entraron cun axustado seis a catro, pero o maior físico dos locais fixolle estirar o marcador ata un 11-4 definitivo, o que non reflexa o bo partido dos santiagueses.
Esta era a segunda xornada para o CW Pontevedra. Os cadetes cometeron erros ao comezo, algo que haberá que ir correxindo ao longo da tempada. Pouco a pouco melloraron o seu xogo e acadaron a súa primeira vitoria, importante para poder loitar polos primeiros lugares da táboa.
FICHA TÉCNICA:
11) CW PONTEVEDRA: Antonio, Dani, Rodri, Adrián, Hugo, Roque, Mateo, Mario P, Quique, Miguel, Sandro e Nico.
4) CW SANTIAGO: López, Carballo, Rubal, Collazo, Altamirano, Antelo, Pérez, Carrillo, Balsa, Papín e González.
PARCIAIS: 1-0, 2-2, 3-2, 5-0
