Logo de terse clasificado para a seguinte rolda para a Copa da Raíña de balonmán, o Conservas Orbe Rubensa Bm Porriño afrontaba esta fin de semana un novo reto ligueiro co obxectivo de sumar a súa segunda vitoria consecutiva antes do parón. Un obxectivo que acadou no Palau D´Esports de Granollers onde mediu forzas contra o KH-7 Bm Granollers ao que se impuxo por un marcador de 23-28.
📸 ¡Estas son algunas de las mejores imágenes que nos ha dejado la Jornada 6 de @IberdrolaDHF! 💚
💥 ¡Hoy nos despedimos hasta después del @EHFEURO 2022 con el #PartidoEstrella!
#SheLovesHandball #LigaGuerrerasIberdrola pic.twitter.com/Av5YmlOVSc— Liga Guerreras Iberdrola (@IberdrolaDHF) October 23, 2022
O KH-7 Bm Granollers deu inicio ao partido co primeiro ataque, pero a intensidade defensiva do equipo porriñés empezou desde o minuto cero. O Conservas Orbe Rubensa BM Porriño presentaba unha defensa 6.0 que o equipo catalán estaba a superar cun xogo moi dinámico con especial presenza dos seus extremos. Pasaron os primeiros minutos do encontro e o KH-7 Bm Granollers puxo o marcador ao seu favor a través do gol de Ana González (4-3).
O conxunto porriñés non estaba a ter especial efectividade para portería. Con todo, mantíñanse preto no marcador, grazas ao gran traballo que estaba a facer Estela Carrera baixo paus. O Conservas Orbe Rubensa Bm Porriño atopábase nun momento de seca goleadora, pero Carmen Prelchi no minuto 13 rompería a mala sorte do seu equipo.
Pasado o ecuador da primeira parte, o equipo local conseguira unha diferenza de tres tantos cun marcador de 9-6. O Conservas Orbe Rubensa Bm Porriño empezou a realizar cambios entre as súas xogadoras. A través do xogo posicional e cun gran traballo de continuidade de balón, Maider Barros poñería a un tanto ao seu equipo.
Pasados o minuto 20, tras un erro cometido polas locais, Thais Fermo poñería a igualdade no electrónico. Diante iso, a técnica do KH-7 Bm Granollers, Dolores Martín, pediu o primeiro tempo morto do encontro.
Na recta final da primeira parte, o Conservas Orbe Rubensa Bm Porriño buscaba facer ataques moito máis traballados. No aspecto defensivo, faltáballes contundencia para frear as penetracións das primeiras liñas catalás. Coa bóla para poñer o empate antes do descanso, Martínez pediu tempo morto para organizar un ataque co que asegurarse o gol.
O BM Porriño marchou ao descanso un gol por debaixo do Granollers
Con todo, as imprecisións no ataque impediron poñer a igualdade no resultado e o Conservas Orbe Rubensa Bm Porriño foise ao descanso uno abaixo (13-12).
O equipo que adestra Ismael Martínez daba comezo a segunda parte marcando o gol que poñería a igualdade, de novo, no marcador. Con Vales no centro, o KH-7 Bm Granollers subiu o seu defensa exercendo presión na zona central para que a xogadora porriñesa non se movese con comodidade.
Os minutos pasaban e o partido atopábase nunha continuo tira e afrouxa entre ambos os conxuntos. Chegou o minuto dez deste último tempo, o resultado estaba a favor do Conservas Orbe Rubensa Bm Porriño cun 16-19, dándolle a volta ao resultado desfavorable co que se foron ao descanso.
O Conservas Orbe Rubensa Bm Porriño en ataque estaban a xogar cun gran xogo de cruces coa finalidade de descolocar a defensa local e atopar un espazo polo que meter gol. Case no minuto 15, Ona Vegué poñería de novo a un ao seu equipo. Chegou o minuto vinte e o resultado estaba a favor das galegas cun 20-23.
O conxunto porriñés antepúxose ao mal inicio que tiveran e tras o descanso, saíran moito máis fortes. Os minutos pasaban e íase achegando o final do encontro. O Conservas Orbe Rubensa Bm Porriño continuaba mantendo a liña de ataque e defensa que lles estaba resultando ser efectiva. Soou a bucina e o final do partido chegou, o equipo galego sumou unha nova vitoria á súa marcadora cun resultado de 23-28.
💚 ¡Disfruta de las mejores imágenes de la Jornada 6 de la @IberdrolaDHF! 🔛
👉🏻 @BMGranollers 23:28 @BmPorrino
👏 ¡El conjunto gallego sigue con su gran inicio de temporada!
#SheLovesHandball #LigaGuerrerasIberdrola pic.twitter.com/hPyEeBZEIq— Liga Guerreras Iberdrola (@IberdrolaDHF) October 24, 2022
FICHA TÉCNICA
23) KH-7 BM GRANOLLERS: Imane Ben, Alba Tort, Martina López, Ona Vila (3), Julia Sau, Lea Kofler, María Grasielly (4), Ona Vegué (7), Ester Somaza, Paula Milagros (1), Ana González(3), Sabryne Santos (1), Martina Capdevila (4), Anna Zarzuela, Nicole Wiggins e Marta Mera.
28) CONSERVAS ORBE RUBENS BM PORRIÑO: Carolina Bono, Micaela Casasola (4), Alicia Campo, Malena Valles (4), Inés Hernández, Aitana Santomé, Ariana Portillo, Maider Barros (5), Sarai Samartín, Paulina Buforn (4), Carmen Prelchi (2), Thais Fermo (9), Carme Castro, Fátima Ayelén e Estela Carrera.
MARCADOR CADA CINCO MINUTOS: 4-3, 5-4, 8-6, 9-7, 11-10, 13-12 – descanso – 15-15, 15-19, 19-21, 20-23, 22-24 e 23-28.
EQUIPO ARBITRAL: María Avilés e María Sánchez. Por parte do Conservas Orbe Rubensa Bm Porriño excluíron a Micaela Casasola, Aitana Santomé e Sarai Samartín. Doutra banda, do KH-7 Bm Granollers excluíron a Alba Tort, Lea Kofler, María Grasielly e Dolores Martín.
INCIDENCIAS: Partido correspondente á sexta xornada da liga Guerreras Iberdrola.
