O Gatikaku Iusturi, que adestra o técnico coruñés José Ares, foi a segunda vítima da fin de semana do HC Borbolla. As coruñesas impuxéronse cunha nova goleda, desta vez 8-1, ao segundo rival en 24 horas.
Un penalti transformado por Lara Yáñez no primeiro minuto de partido abría un marcador que non deixou de gotear goles durante toda a primeira parte que remataron cun 4-0 campeando no marcador electrónico de Monte Alto. As xogadoras que adestra Santi Martínez chegaron a estar 5-0 antes de que Garazi Bilbao anotase o gol da honra das vascas.
Os goles foron asinados por Lara Yáñez (1), Antia Ribadas (1), Lucía Yáñez (3), Alba Díaz (1) e Marta Vilas (2).
O sábado o HC Borbolla impuxérase 10-0 ao CPP Raspeig, polo que o seu balance da fin de semana son dous trunfos, 18 goles a favor e un en contra. As rivais desta fin de semana son as últimas clasificadas na Ok Liga Prata, polo que eran rivais propicios para conseguir marcadores avultados.
Logo desta a fin de semana as tomatitas do HC Borbolla ocupan a terceira posición na táboa con quince puntos e un partido máis que CP Las Rozas e CP Alcorcón, os dous conxuntos madrileños que puxan cos dous conxuntos coruñese polas dúas prazas de ascenso á Ok Liga.
Parón competitivo do Borbolla até fin de mes
Tras disputar dous partidos consecutivos nunha mesma fin de semana, ao HC Borbolla tócalle descanso na seguinte xornada. As coruñesas que adestra Santi Martínez non volverán xogar até o domingo 30 de maio ás 16:30 cando visitará a cancha dun rival directo, o CP Alcorcón. Será un cruce decisivo para as aspiracións das galegas.
FICHA TÉCNICA
8) HC BORBOLLA: Edén Avecilla, Lara Yáñez, Antía Rivadas, Lucía Yáñez e Marta Vilas – quinteto inicial -. Tamén xogaron: Alba Díaz e Lucía Castro.
1) GATIKAKU IUSTURI: Marina Torre, Garazi Bilbao, Iusturitze Aurrekoetxea, Naiara Cuadra e Jessica Zubia – quinteto inicial -. Tamén xogaron: Clara Bryson e Uxue López
GOLES: 1-0 Lara Yáñez (min. 1, penalti) 2-0 Antía Ribadas (min. 4) 3-0 Lucía Yáñez (min. 6) 4-0 Alba Díaz (min 16) 5-0 Marta Vilas (min. 27) 5-1 Garazi Bilbao (min.27) 6-1 Marta Vilas (min. 33) 7-1 Lucía Yáñez (min. 48) e 8-1 Lucía Yáñez (min. 48)
ÁRBITROS: Diego Garrido. Amosou cartón azul á xogadora local Lucía Yáñez.
INCIDENCIAS: Partido correspondente á xornada 9ª na Ok Liga Prata disputado no Pavillón de Monte Alto na Coruña.
HC Deportivo Liceo e HC Borbolla vencen contundentemente a sus respectivos rivais
