A Federación Española de Patinaxe comunicou que o inicio da segunda fase vaise retrasar unha semana máis, “para que dé tempo a xogar os partidos aprazados. Así que en principio, a seguinte fase comezaría o 13 de febreiro”, explica Santi Martínez, adestrador do HC Borbolla.
Dúas semanas por diante nas que seguro que a cabeza non para. Así que ademais de adestrar, o técnico das tomatitas ten pensado que as súas pupilas chegen ao exame final, a loita pola permanencia, coa lección ben aprendida e todo o temario ben repasadiño. Neste tempo de tensa espera antes de remotar a competición, as patinadoras do HC Borbolla teñen tarefa por diante: “Analizar ás nosas rivais con maior profundidade”. Así o apunta o seu adestrador.
“Se a competición finaliza tal e como está, tocaríamos o primeiro partido en casa contra do Igualada”, explica o técnico coruñés. Pero son tantas as cávalas matemáticas posibles, que é complicado botar contas ata con calculadora.
Así ve Santi Martínez aos rivais aos que sabe que se enfrontará
Vaiamos pois ao que si se coñece e tentemos saber algo máis dos rivais do Grupo B aos que terá que medirse o HC Borbolla. Eses xa se sabe cales son e o técnico das galegas fala así deles:
“O Vila-Sana é a sorpresa negativa. Trátase dun equipo feito para se meter no grupo de arriba. Pasa á seguinte fase con 18 puntos. É o gran favorito para quedar primeiro neste grupo no que loitaremos pola permanencia”
“O Igualada accede a esta fase con sete puntos. Reforzouse no mercado de inverno cunha gran xogadora que ten moito gol como é Raquel Bernadas. Xunto a Pati Miret van facer do Igualada un equipo moi forte e con moito gol”
“Outro que pasa con sete puntos é o Vilanova que tamén é un equipo perigoso capaz de lle gañar a calquera”
“No caso do Asturhockey, é un equipo irregular. Son capaces do mellor e do peor nun mesmo partido. Seguro que nesta fase encontrarán a regularidade que fará que sexan quen de sumar puntos. Acceden a esta fase con tres puntos no seu casilleiro”
Estas semanas sen competición servirán para que o HC Borbolla mire moitos vídeos e analice o xogo dos seus rivais, ademais de adestrarse. “Aínda que xa coñecemos como xogan os catro, imos aproveitar estas semanas nas que non imos competir para analizar a estos rivais con maior profundidade”, di Santi Martínez.
As capacidades propias do Borbolla, o que máis conta
Santi Martínez, preparador do HC Borbolla amósase confiado nas capacidades das súas pupilas de cara á seguinte fase competitiva. Aínda que as rivais xogan, o máis importante para gañar son os movementos propios sobre a pista.
A bloque que empezou a tempada inexperto na elite estatal do hoquei feminino, ten agora moita moito menos de novato. A competición fíxolles medrar e pulir as inseguridades coas que chegaron á Ok Liga neste curso de regreso do club coruñés e do hoquei a patíns feminino galego.
O seu máximo defensor é o seu técnico, Santi Martínez. Das súas palabras sempre se infería que estaba confiado en este grupo progresaría e crecería sobre a pista aos poucos ata ser merecedor de seguir entre as mellores. Agora está aínda máis convencido das súas capacidades. “Vexo ao equipo moi ben. As xogadoras medraron moito desde o inicio de tempada”.
O adestrador do HC Borbolla, Santi Martínez, sostén que as súas xogadoras: “Medraron moito desde o inicio de tempada. Están moito máis afeitas á competición e iso notouse na segunda volta”
Poderíamos pensar que se trata das verbas que calquera adestrador debera decir das súas xogadoras, pero Santi Martínez defende súa idea con argumentos: “Están moito máis afeitas á competición e iso notouse na segunda volta onde logramos as tres vitorias e tamén tivemos un partido moi bo co Cerdanyola onde fomos gañando até os últimos tres minutos de xogo. Tamén a vitoria contra o Girona que, aínda que pertencía á primeira volta, xogar, xogouse en decembro”, puntualiza o míster das galegas.
