A Selección Galega de karate acudiu ao Mallorca Karate Clinic con seis deportistas, a metade delas mulleres, e volve a casa con tres medallas femininas: dúas pratas e un bronce. Os masculinos sumaron un bronce cada un.
O evento, organizado pola Real Federación Española e a Federación Balear, serviu de previo á competición do Campionato de Europa Cadete, Júnior e Sub21.
Entre as galegas, Lucía Herrero, do River Stone, alzouse cunha medalla de prata en kumite sub21 -55 kg. Pola súa parte, Lucía Guerrero, do Renbukan, tamén foi prata, desta vez en +61 kg. A última medalla feminina galega foi a de Martina Soto, do Bunkai, bronce en kumite júnior -59kg.
