Na pasada fin de semana celebrouse na piscina Rosario Dueñas de Ourense a XLIX edición do Trofeo Pedro Escudero, organizado polo CN Pabellón.
Nesta competición, dúas nadadoras lograron superar as mellores marcas galegas conseguidas ata entón nas súas categorías. Sofía Carballo bateu o tempo nos 100 braza de 15 anos, mentres que Alicia Bouzas fixo o propio nos 200 costas de 16 anos.
Paula Otero e Sofía Carballo, as mellores en puntos Fina no Pedro Escudero
O club de Carballo, o CN Ponteareas, volveu do Trofeo Pedro Escudero con grandes resultados. Ademais do ouro e a mellor marca galega da nadadora nos 100 braza, sumou outro ouro nos 200 braza, e foi subcampioa na clasificación de puntos FINA. O primeiro posto desta táboa foi para a nadadora do CN Arteixo Paula Otero.
