- A puntería da galega Vane Sotelo e a da futbolista do Pescados Rubén Burela Irene Samper, xunto coa da súa compañeira Melli, fan posible o triunfo de España ante Portugal por 3-2.
España e Portugal volveron evidenciar unha vez máis que un amigable entre elas, non só no fútbol sala feminino senón en calquera categoría, é algo máis que un simple partido de preparación. Sempre hai algo especial en derrotar ao teu gran rival. O primeiro dos dous programados en Jaraíz de la Vera non decepcionou. Houbo nesta cita con futsalfem: intensidade, tensión e goles.
Aos sete minutos, a lusa Carla Vanessa aproveitaba unha transición tras un roubo de balón para facer o 0-1. España non acababa de atoparse cómoda. Achegábase á área, pero non xeraba ocasións claras.
Só quedaban 52 segundos para o descanso e chegou o 0-2 de Catia Morgado, que nunha xogada a balón parado aproveitaba un rexeite a un disparo seu para ampliar a vantaxe. Pero esta Selección Española medra diante a adversidade. Só 18 segundos despois Melli facía o 1-2.
O tanto quitou un peso de encima ás españolas, que gañaron confianza para o arranque da segunda parte, na que o empate chegou pronto. Irene Samper roubou un balón na área rival e puxo as táboas no electrónico (2-2). E nese partido novo foi España quen decidiu. As dúas pivotes, Irene Córdoba e Vane Sotelo fabricáronse a xogada que deu o triunfo no último minuto do partido con Portugal.
Cinco galegas con España
Para esta dupla de partidos a xogarse contra o combinado luso, a seleccionadora de España, Clàudia Pons convocou a cinco futbolistas galegas. Trátase da goleadora Vane Sotelo (Futsi Atlético Navalcarnero), Ale de Paz e Silvia Aguete (ENCE Marín Futsal), así como Martita e Luci (Poio Pescamar). Cabe destacar que a presenza ‘galega’ complétase coa cita para estos partidos de tres xogadoras do Pescados Rubén Burela: Irene Samper, Peque e Dany.
FICHA TÉCNICA
3) ESPAÑA: Silvia Aguete, Mayte Mateo, Melli, Irene Samper e Vane Sotelo.– quinteto inicial -. Tamén xogaron: Ale de Paz, Luci, María Sanz, Irene Córdoba, Noe Montoro, Dany, Martita e Marta Balbuena (p.s.).
2) PORTUGAL: Marta Costa, Catia Morgado, Inés Fernandes, Pisko e Janice Silva. – quinteto inicial -. Tamén xogaron: Ana Azevedo, Fifó, Carla Vanessa, María Pereira, Sara ferreira, Carolina Rocha, Inés Matos e Odete Rocha (p.s.).
GOLES: 0-1 7′ Carla Vanessa. 0-2 20′ Catia Morgado. 1-2 20′ Melli. 2-2 23′ Irene Samper. 3-2 39′ Vane Sotelo.
EQUIPO ARBITRAL: José Javier Cidoncha e Sergio Salomé. Amonestaron con cartón amarelo ás futbolistas españolas Ale de Paz, Irene Córdoba, Martita e Dany, así como ás lusas Ana Azevedo e María Pereira.
INCIDENCIAS: Partido amigable entre España e Portugal disputado no Pabellón de Jaraíz de la Vera para preparar o Europeo.
