Se non queres caldo, dúas tazas. Dous duelos de rivalidade rexional enchen de emoción esta fin de semana de futsalfem galego estatal na elite. Veranse as facianas primeiro o ENCE Marín FutSal que recibe ao Viaxes Amarelle FSF ás 16:30 horas no Pavillón da Raña en Marín. Logo será a quenda do cruce entre Ourense Envialia e Poio Pescamar ás 17:00 horas no Pavillón dos Remedios de Ourense, un partido adicado á loita contra a violencia de xénero. Pecha a xornada dos clubs galegos o Pescados Rubén Burela que recibe en Vista Alegre ao FSF Móstoles ás 18:30 horas. Todos os partidos terán lugar hoxe sábado 3 de decembro.
A décima praza da xeral está en xogo no derbi galego entre o ENCE Marín Futsal e o Viaxes Amarelle FSF. As herculinas pelexarán por escalar unha posición na xeral, contra dun rival do que lle separan dous puntos. As da Coruña mediranse na tarde de hoxe sábado 3 de decembro de 2022, a partir das 16:30 horas, no Pavillón Municipal da Raña (Marín) ao ENCE Marín Futsal.
Foi esta unha semana atípica de traballo para a escuadra herculina, tras o empate conseguido o pasado sábado fronte ao Melilla Sport Capital Torreblanca FSF. O club laranxa tense que preparar para afrontar tres encontros no próximos sete días. Ten por diante dous derbis galegos de liga moi esixentes, e unha viaxe a Las Palmas de Gran Canaria, onde pelexará un posto nos cuartos de final de Copa de S.M. A Raíña de Fútbol sala.
O técnico do club herculino, Jorge Basanta, convocou para este novo duelo na competición da regularidade, ás porteiras Leti Rojo e Xanaia, así como ás xogadoras de pista, Cris Lourés, Carol Agulla, Clàudia Lobo, *Èlia Gullí, María Gómez, Lau Doce, Tety, Khrystyna Stepanenko, Marta Hermo, Laura Rivas e Estelita.
O rival que estará enfronte para o conxunto herculino, é un ENCE Marín Futsal que actualmente ocupa a décima posición da xeral con 11 puntos, cultivados tras 3 vitorias, 2 empates e 5 derrotas, nos dez encontros que disputaron ata a data. Suman 25 goles a favor, e encaixaron 30 tantos en contra.
O ENCE Marín FutSal aspira a entrar nos postos de play-off
As marinenses que saían nesta tempada cun bloque de xogadoras formado para pelexar polos postos de play-off polo título, tivo varios tropezos que afástanas agora mesmo en case 9 puntos desa zona nobre da táboa así que precisan unha vitoria canto antes para seguir con opcións de loita polo seu obxectivo neste tramo final da primeira volta da competición.
O ENCE Marín Futsal chegaba o pasado curso á Primeira RFEF Futsal Feminina, e destacou como equipo revelación cunha gran tempada, onde terminou na oitava posición, e cunha ampla marxe de vantaxe sobre o seu obxectivo principal de evitar o descenso. Cun bloque de xogadoras consolidado como Ceci Puga, Café, Silvia Aguete, María León, Pau García, Adriana García, Inés Mayán e Marta Gago, esta tempada, o conxunto marinense reforzouse coas fichaxes de Lara Balseiro, Ale de Paz, Bea Mateos, Lucía Paz, Iria Varela e Nuria Rodríguez.
O último duelo previo as de Marín e as da Coruña remóntase á pasada tempada, onde ambos os dous equipos enfrontáronse en partido de Copa de S.M. A Raíña de Fútbol sala, e o encontro terminou cun marcador favorable para as marinense por un axustado 4-5.
O conxunto herculino tratará de sumar puntos contra un rival, que a pesar da súa posición actual na táboa, está feito para pelexar por posicións de play-off polo título, con xogadoras que son habituais da Selección Española de Fútbol sala Feminino.
O Poio Pescamar quere seguir sumando na pista do Ourense Envialia
O segundo dos duelos galegos de rivalidade nesta xornada é o que medirá, no Pavillón dos Remedios a Ourense Envialia e Poio Pescamar, tamén hoxe sábado, a partir das 17:00 horas.
🗞️OP. QUILO 2023 // J.11 // TRAE ALIMENTOS (@axamencer) // PARTIDO DEDICADO A LA LUCHA CONTRA LA VIOLENCIA DE GÉNERO
📅 03/12
⏰ 17:00H
OURENSE ENVIALIA FSF 🆚 @PoioPescamarf
📍 #Ourense
🏟️ OS REMEDIOS
TIENDA 👇https://t.co/l0RVFqW3u5
Diseño: @BeaSeijasDiseno🚀🧡 #imosOlio pic.twitter.com/XXWS2qnANf
— Ourense Envialia FSF (@OUenvialiaFSF) December 3, 2022
O Poio Pescamar é terceiro, empatado a puntos coas segundas (Pescados Rubén Burela). Contan con 27 puntos no seu haber froito de nove partidos gañados e so un perdido. O golaverage (40 goles a favor e 12 en contra) as colocan neste punto da competición por debaixo do Burela.
No caso das locais, o Ourense Envialia marcha oitavo con catro partidos gañados, un empatado e catro perdidos, sumando así 13 puntos no seu casilleiro.
Na xornada previa as ourensás que adestra Mondo empataba 2-2 na pista do Gran Canaria FSF Teldeportivo. Mentres que o Poio Pescamar vencía pola mínima 2-1 ao Leganés. O Ourense Envialia non perde desde a xornada seis na que lle tocou visitar o fortín do Futsi Atlético Navalcarnero (5-2). Xustamente as madrileñas son o único rival que tumbou polo de agora ás conserveiras. O cruce tivo lugar na 2ª xornada (3-0). Desde entón, o Poio Pescamar non coñece a derrota.
O Burela recibe ao FSF Móstoles
No caso do Pescados Rubén Burela as xogadoras que adestra Julio Delgado reciben en Vista Alegre ao FSF Móstoles a partir das 18:30. As da Mariña son segundas, empatadas a puntos co Poio Pescamar e con tres puntos menos que as intratables futbolistas do Futsi Atlético Navalcarnero, que se manteñen á fronte da táboa invictas con dez partidos xogados e dez gañados.
Xustamente na xornada previa as galegas caían derrotadas por primeira vez en liga neste curso ao visitar ao Futsi Atlético Navalcarnero e perder por 4-3. Polo que o conxunto adestrado por Julio Delgado quererá, máis que nunca, recuperar o camiño dos triunfos.
O Fútbol Sala Femenino Móstoles ocupa a novena posición. Ten conseguido catro triunfos, non colleitou ningún empate e perdeu seis partidos. Mide forzas ante o Burela logo de endosarlle un 7-2 ao ENCE Marín FutSal. Polo que quererá seguir sumando vitorias a costa de equipos galegos. As madrileñas non gañaban desde a xornada 6ª cando se impoñían ao Leganés por 3-1.
Estas son as #GuerreirasLaranxas elixidas para o partido desta tarde en Vista Alegre ante @FSFMostoles.👇
Só faltas ti!🧡 pic.twitter.com/UJSG9VD9Vy
— CD Burela FS (@burelafs) December 3, 2022
O encontro de Primeira División do FutSalFem da RFEF entre o CD Burela FS e o FSF Móstoles, será un partido adicado ao 25N, Día Internacional da Eliminación da Violencia contra a Muller, en colaboración coa Consellería de Igualdade da Xunta de Galicia na súa campaña “NON á violencia de xénero”, segundo informa o club de Burela.
Deste a entidade da Mariña explícase que se ten creado “un cartel adicado a esa temática e celebrarase un acto previo ao partido no que as xogadoras do Burela FS e o presidente do club Manuel Blanco Fanego, sairán a media pista cunha pancarta co logo oficial da campaña, pola loita pola tolerancia, igualdade e non violencia de xénero no deporte e na vida”.
💜O encontro CD Burela FS Vs FSF Móstoles deste sábado será un partido adicado á loita contra a violencia de xénero.
Presentouse hoxe en Vista Alegre co presidente do club, Manuel Blanco e a xogadora Antía Pérez.
Na nosa sociedade só pode haber unha resposta.
👇
NON! pic.twitter.com/4E4Kb5lh2C— CD Burela FS (@burelafs) December 1, 2022
Retransmisión en directo por TVG2 dos derbis galegos e streaming
Os dous derbis galegos serán emitidos en directo a través da TVG2 a xeito de carrusel, ademais de emitirse tamén desde a plataforma de g24.gal.
🚨Retransmisións de hoxe na G2📺 e en G24📲
⌚16:30h, carrusel de fútbol sala feminino con dous derbis galegos
⚽ @marin_futsal – @amarellefsf
⚽ @OUenvialiaFSF – @PoioPescamarfs https://t.co/2hZ9DB2klS pic.twitter.com/NM0Bfat3Ue— En Xogo tvG2 (@EnXogo_tvG2) December 3, 2022
Tampouco faltará á cita a emisión por streaming a través da plataforma da Real Federación Española de Fútbol, e xestionado por Live Vuvuzela podendo seguir en directo os encontros a través das seguintes ligazóns.
