O Ourense Envialia anunciaba estes días a renovación de varias xogadoras do segundo equipo. É o caso de Nerea Perez, Carla, Palo e Lola.
No caso de Nerea Pérez explican desde o Ourense Envialia que a futbolista “seguirá dando todo o que ten dentro e medrando ao noso lado. Sen dúbida é unha xogadora con moito por dicir e que aportará moitísimas cousas ao equipo. Estamos encantadas de tela unha tempada máis”.
Carla, fará a pretemporada co primeiro equipo do Ourense Envialia
Carla é outra das deportistas que renovaron co club da cidade das Burgas. Sobre esta deportista din desde o Ourense Envialia que “desde pequena chamou a atención coa súa clase e dominio do balón. A medida que ten ido medrando isto ten aumentado ao sumárselle a lectura do xogo e a experiencia. É unha xogadora que con traballo e constancia chegará onde desexe. Desde este club trataremos de axudala para alcanzar o cumio”.
Explican, ademais, que Carla fará a pretempada co primeiro equipo e que o obxectivo é que finalmente se faga cun oco na elite.
Neste cuarteto de renovacións está tamén Palo “non é unha xogadora calquera, é unha guerreira das canchas. Unha futsalera ourensá. Calidade e traballo son dúas das súas características. Porá a súa experiencia ao servizo do equipo de 2ª División un ano máis”, relatan desde o Envialia.
Ganas, progresión e xuventude acompañan a Lola, a cuarta das renovacións que facía públicas estes días o Ourense Envialia. A porteira “ten por diante todo un horizonte de ilusión e ganas de medrar”, din desde o club. “A súas cualidades e mocidade fan de Lola unha xogadora que encaixa á perfección co noso proxecto”, explican desde o Ourense Envialia.
Coñece as futbolistas que xa tiñan renovado co filial do Ourense Envialia
O Ourense Envialia renova a Sandra e a Nuria para o equipo de 2ª División
