Chegou a primeira vitoria do HC Deportivo Liceo en competición europea (WSE Champions League Fem) lonxe da Coruña e foi en Francia ante o Noisy le Grand por 0-4.
O equipo que adestra Stanis García gañou o pasado 4 de febreiro na cancha Gymnase des Yvres ao conxunto galo. A data, o rival, e o resultado pasan xa á historia do hóquei sobre patíns feminino galego. É o primeiro triunfo dun conxunto de Galicia en competición europea lonxe da nosa terra.
Na xornada debut nesta competición o HC Deportivo Liceo perdía na casa co Manlleu. Nesta ocasión venceron e a domicilio. O equipo verdibranco opta a pasar á seguinte fase desta competición europea.
Primeira victoria da historia na Liga Europea feminina.
Vamos rapazas 💥💪🏼💚 pic.twitter.com/gAC0KIRbOT
— Hockey Club Liceo Feminino (@HCLiceoFem) February 5, 2023
Marcaron os goles galegos María Sanjurjo (2), Cris Diz, e Alba Garrote (penalti). Na portaría debutaba Ariadna Escalas dándoselle así descanso a italiana Viky Caretta.
